M. K. T பாடல்கள் - 1

M. K. தியாகராஜ பாகவதர் (ஜனவரி 3, 1909 - நவம்பர் 1, 1959), கர்நாடக சங்கீத மேதை, ஏழிசை மன்னர், திரை இசை பாடகர், நாடக/திரைப்பட நடிகர், படத் தயாரிப்பாளர், தமிழ்த் திரைவுலகின் முதல் சூப்பர் ஸ்டார். மாயவரத்தில் (மயிலாடுதுறை) பொற்கொல்லர் குடும்பத்தில் பிறந்தார். திருச்சியில் வளர்ந்தார்.

1934 ல் பவளக்கொடி நாடகத்தில் அவர் அர்ஜுனனாக நடித்ததைப் பார்த்த ஒருவர், அடையாரில் ஒரு இடத்தை வாங்கி ஸ்டுடியோ அமைத்து (மீனாக்ஷி ஸ்டுடியோ, அப்பறம் சத்யா ஸ்டுடியோ, இப்ப எம்.ஜி.ஆர் காலேஜ்) அவரை வைத்து அந்த நாடகத்தைப் படமாக உருவாக்கினார். சம்பளம் 4000 ரூபா. 50 பாடல்கள். பாபநாசம் சிவன் அவர்கள் பாடலாசிரியராக அறிமுகம்.

அதன் பின் நவீன சாரங்கதாரா (1936), சிந்தாமணி (1937), சத்தியசீலன் (1938), அம்பிகாபதி (1938), திருநீலகண்டர் (1939), அசோக் குமார் (1940), சிவகவி (1942), ஹரிதாஸ் (1944), ராஜமுக்தி (1948), அமரகவி (1952), ஷ்யாமளா (1953), புதுவாழ்வு (1957), சிவகாமி (1959) ஆகிய படங்களில் நடித்தார்.

மதுரை பொண்ணு ஐயங்கார் என்ற வயலின் வித்வான் இவரின் குரு. பாகவதர் தங்கத் தட்டில் சாப்பிடுவார். பட்டு பீதாம்பரம், வைர வைடுரியம் அணிவார். சொந்தமாக குதிரை, கார்கள், மோட்டார் சைக்கிள், பங்களாக்கள் வைத்திருந்தார். சென்ற இடங்களிலெல்லாம் அவர் சென்ற ரயில் 4, 5 மணி நேரம் தாமதமாகத்தான் செல்லும். வழி நெடுக ரசிகர்கள். படித்தவர், படிக்காதவர், சங்கீத வித்வான்கள், பணக்காரர்கள், ஏழைகள் என பல ரசிகர்கள். தாராள குணம் கொண்டவர். கோவில், கல்வி நிறுவனங்கள் போன்றவைகளில் நடக்கும் கச்சேரிகளுக்கு பணம் வாங்க மாட்டாராம். திருச்சி ரேடியோ ஸ்டேஷன் சங்கீத வித்வான்.

முக்யப் பிரமுகர்களைப் பற்றி அசிங்கமாக மஞ்சள் பத்திரிகையில் எழுதி சம்பாதித்துக் கொண்டிருந்த லக்ஷ்மீகாந்தன் என்பவர் 1944 ல் கொலை செய்யப்பட்டதில் MKT யும், NSK யும் கைது செய்யப்பட்டு பல மாதங்களுக்கு பின் நிரபராதிகள் என விடுவிக்கப்பட்டனர். அதன் பின் அதிகமாக படங்களில் நடிக்க ஆர்வம் காட்டாத MKT பல கோவில்களில் தங்கி, பாடல்களைப் பாடிப் பொழுதைப் போக்கி, பலர் அழைத்தும் திரும்பித் தன் பழைய வாழ்க்கைக்குத் திரும்பாது இறைவனடி சேர்ந்தார்.

திருச்சி சங்கிலியாண்டபுரத்தில் இவர் சமாதி உள்ளது. மேலும் பல சுவாரஸ்யமான தகவல்கள்
http://en.wikipedia.org/wiki/M._K._Thyagaraja_பாகவதர் லும், அதிலுள்ள reference link களிலும் உள்ளது.

பாடல் வரிகள் சில:

1. ஆனந்த நடன விநோதா தேவ - ஜகன்நாதா (ஆனந்த)
கண் மூன்றுடையாய் கதிநீ ஹரனே
கருணையோடெனைக் கடைக்கண்பார் தயாளா (ஆனந்த)
நஞ்சார் அரவும் பணியாய்க் கொண்டாய்
அஞ்ச வரும் நஞ்சையும் உண்டாய்
தஞ்சமுன் குஞ்சித பாதம் தில்லைவாழ் (ஆனந்த)

2. ஆரனங்கே நெஞ்சம் நீயறியாய்
ஆருயிர் தங்களின் நேயமதே பெரும் மாயமதே நீயறியாய் (ஆரனங்கே)
அதரங்கள் ரெண்டும் அணைந்திடா போது
ஆனந்த சொல்லே வருவதும் ஏது
யாழின் தந்திதனை விரல் மீட்டாவிடில்
அமர நாதமே இல்லை யன்றோ (ஆரனங்கே)
வாசிக்கா போது மூங்கில் அன்றோ
வாசித்த போதே முரளி அன்றோ
நேசமாக வண்டு பேசிய போது
வாசத்தேன் மலர் வாழ்வல்லவோ (ஆரனங்கே)
மங்கையின் போல் எல்லாம் மனம் வேண்டாம் என்றால்
மானிடர் சந்ததி மாயும் அன்றோ
இங்கிதம் தெரிந்தே அந்த பரம் பொருள்
இந்நிலம் யுகம் யுகம் தோன்றுவதே (ஆரனங்கே)

3. அம்பா மனம் கனிந்துனது கடைக்கண் பார்
திருவடியினைத் துணையென்றம்பா
வெம்பவ நோயற அன்பர் தமக்கருள்
கதம்ப வனக்குயிலே சங்கரி ஜக (அம்பா)
பைந்தமிழ் மலர்ப்பாமாலை சூடி உன் பாதமலர்ப் பணிந்து பாடவும் வேண்டும்
சிந்தையும் என் நாவும் எந்நேரமும் நின் திருப்பெயர் புகழ் மறவாமையும் வேண்டும்
பந்த உலகில் மதிமயங்கி அறுபகைவர் வசமாய் அழியாமல் அருள்பெற வேண்டும்
இந்த வரம் தருவாய் ஜகதீஸ்வரி எந்தன் அன்னையே அகிலாண்ட நாயகி என் (அம்பா)

4. அன்னையும் தந்தையும் தானே - பாரில்
அண்ட சராசரம் கண்கண்ட தெய்வம் (அன்னையும்)
தாயினும் கோவில் இங்கேது - ஈன்ற
தந்தை சொல் மிக்கதோர் மந்திரமேது
சேயின் கடன் அன்னை தொண்டு - புண்ய‌
தீர்த்தமும் மூர்த்தி ஸ்தலம் இதிலுண்டு (அன்னையும்)
தாயுடன் தந்தையின் பாதம் என்றும் தலை வணங்காதவன்
நாள் தவறாமல் கோவிலில் சென்று என்ன காண்பான்
நந்த கோபாலன் வேண்டும் வரம் தருவானோ
பொன்னுடல் தன் பொருள் பூமி - பெண்டிர்
புத்திரரும் புகழ் இத்தரை வாழ்வும்
அன்னை பிதா இன்றி ஏது - மரம்
ஆயின் விதை இன்றி காய் கனியேது (அன்னையும்)

5. அரவா பரணன் திருவடி மறந்து
அடிமையின் மோகம் கொண்டழிவாரே (அரவா)
ஆயிரம் கற்றறிந்தென்ன பயன்
பகுத் தறிவிழந் துழல்வாரே (அரவா)
மங்கையர் மையல் எனும் மாயையில் ஆழ்ந்தவர்
சங்கரனை மனம் நினைவாரோ
நங்கையர் காதல் நிறைந்திடில் பாறை
மனந்தனில் சிவயோகம் பயிராமோ (அரவா)
வாத நோய்க் குலகில் மருந்துண்டு - பிடி
வாத நோயகல மருந்தேது
சாதனை யாக சிற்றின்பம் புகழ்பவர்
காதினில் ஞானமொழி ஏறாதே (அரவா)

6. அற்புத லீலைகளை யாரறிவார்
அகிலாண்ட நாயகனே ஹரனே உந்தன் (அற்புத)
சித்பரனே சிவனே உனதடியார்
செய்பிழைகள் பொறுத்தருளும் எனதையனே
திரு அபயவரக் கையனுன் (அற்புத)
பாட்டிலாசையால் அன்று பரவைமனை
தூது நடந்தவா விறகு சுமந்தவா
மாட்டுடையாய் தில்லை காட்டினிலே - அரு
ளாட்டுடையாய் தலை ஓட்டுடையாய் உன்னைக்
காட்டி மறைப்பாய் என்னை ஆட்டி அலைப்பாய் எம்பி
ராட்டியுடனே வாட்டமற இன்பம் ஊட்டுவை
துன்பம் ஓட்டுவாய் உந்தன் (அற்புத)

7. பூமியில் மானிட ஜன்மம் அடைந்துமோர்
புண்ணியம் இன்றி விலங்குகள் போல்
காமமும் கோபமும் உள்ளம் நிரம்பதி
காலமும் செல்ல மடிந்திடவோ (பூமியில்)
உத்தம மானிடராய்ப் பெரும் புண்ணிய
நல்வினையால் உலகில் பிறந்தோம்
சத்திய ஞான தயாநிதி யாகிய
புத்தரைப் போற்றுதல் நம் கடனே (பூமியில்)
உண்மையும் ஆருயிர் அன்பும் அஹிம்சையும்
இல்லை எனில் நர ஜன்மமிதே
மண்மீதிலோர் சுமையே பொதி தாங்கிய
பாழ்மரமே வெறும் பாமரனே

8. சராசரங்கள் வரும் சுழன்றே
சகடு போலுன் அருளால் (சராசரங்கள்)
மலைகள் மாநதிகள்
அலை பொங்கும் ஆழி - பல்லூழி (சராசரங்கள்)
பரவும் நாதம் பறவைகள்
திருவிளையாடல் ஞானியார்
உணர்வார் ப்ரகாச நடேசா (சராசரங்கள்)

9. செடி மறைவிலே ஒரு பூங்கொடி
மறைந்தே மாயம் செய்வதேன் (செடி)
பிடிக்க வந்தாலே ஓடிடுவேனே
நிஜமே இது எனையே தொட முடியாது மானே
பாடும் குயிலே பாரு இப்போதே (செடி)
துள்ளி ஓடும் புள்ளி மானை நீங்கள் பிடிக்க முடியுமோ
ஆமை அல்ல நானே, முயல் என்று சொல்ல மாட்டேன்
வண்ண மலர் தூண்டிலில் என் ஜடைப் பின்னலைப் பிடித்திழுத்தால் வலிக்காதோ
மின்னலோடு நேசமுள்ள சின்ன இடை ஓடுவதால் ஒடியாதோ (செடி)

10. சிதம்பர நாதா திருவருள் தாதா-நின்
சித்தமிரங் காதா திருவடியல தொரு கதியிலன் (சிதம்பர)
பதஞ்சலியும் புலியும் பணியும்
குஞ்சித பதனே ஸஞ்சித மகலாதா (சிதம்)
நன்று தீது மறியேன் நொந்தேனே
ஞானமிலேன் உன்னை நம்பி வந்தேனே
மன்றிலாடும் மணியே செந்தேனே
வாதா அறுபகைத் தீயில் வெந்தேனே (சிதம்பர)

ஹேப்பி தீபாவளி - 2009

உள்ளே...
மொழிப் ப்ரச்னை,
ஜாதிப் ப்ரச்னை,
மத ப்ரச்னை,
சோத்து ப்ரச்னை,
எல்லா கோர்ட்லையும் நிலுவையில் வழக்குகள்,
வக்கீல், போலீஸ், மாணவர்கள், நிருபர்கள், ஆசிரியர்கள், மருத்துவர்கள் போன்ற பொருப்பானவர்களின் ஒத்துழையாமைப் போராட்டங்கள், அடிதடிகள்
விவசாய ப்ரச்னை,
உற்பத்தி ப்ரச்னை,
தண்ணீர் ப்ரச்னை,
சிலை ப்ரச்னை,
படிப்பு, பகுத்தறிவு ப்ரச்னை
தீவிரவாத ப்ரச்னை
போக்குவரத்துப் ப்ரச்னை
இயற்கையோட எதிர்த்து செயல்படறது,
லஞ்சம், பொருள்களின் தரக்குறைவு, ஆனால் விலை அதிகம்

வெளிலேந்து,

எல்லைப் ப்ரச்னை,
தமிழன், நான்-தமிழன் ப்ரச்னை,
இந்தியன், நான்-இந்தியன் ப்ரச்னை,
நம்மக் கடல்ல மற்ற நாட்டுக் கழிவுகள் கொட்றது,
நம்ம ஊர்க்குள்ள தரமற்ற, கேடான பொருள்களை விக்கறது,
தீவிரவாத, பயங்கரவாத ப்ரச்னை,
மத்த நாடுகளுடனான உறவு, ஒப்பந்தங்கள்ல ப்ரச்னை
நம்மள எதிர்க்கக் கூட்டு சேரும் நாடுகள், கூட இருந்தே குழி பறிக்கும் நாடுகள், நட்பு நாடுகள், நம்மள நம்பி இருக்கற நாடுகள்...

இந்த ப்ரச்னைகளால குளிர் காயறவங்க, பொழப்பு நடத்தறவங்க


இதுல நம்ம பங்க எதுலையாவது, எந்த விதத்துலையாவது, எப்படியாவது செயல்படுத்த யோசிக்கணும்,
நல்லதைத் தெரிஞ்சுக்கறதவிட இந்த மாதிரி கெட்டதுகள பத்தி நிறையா தெரிஞ்சுக்கணும். தயாராகனும். பதிலுக்கு எதுவும் கிடைக்குமான்னு தெரியல. பொறந்ததுக்கு ட்ரஸ் போட்டு, சாப்பிடறா மாதிரி இதெல்லாம் இப்ப இருக்கற நிலைமைல.
ஒவ்வொரு டாபிக்கையும் கவனிச்சு, விஷயத்தை தெரிஞ்சி, பங்கெடுத்துக்க எண்ணம் வந்தாலே நல்ல ஆரம்பம்.
அட்லீஸ்ட் யாராவது, என்னிக்காவது, எதுக்காவது கூப்டா போற, இல்ல உதவி பண்ற நிலைக்காவது தயாராகனும்.

மொதல்ல கல்யாணம் பண்ணிக்காத பசங்க எல்லாம், அதப் பண்ணினு கவர்மெண்ட் சொல்றத கேக்காம, எதப் பத்தியும் யோசிக்காம வீட்டுக்குன்னு மட்டும் புள்ள பெத்துக்காம, நாட்டுக்குன்னு ஒன்னாவது (நேந்து விட!!) பெத்து வளப்போம். இதுக்காகவே.

கெட்டவங்க தூங்கறதில்ல, ப்ளான் பண்ணி ஏதாவது பண்ணினே இருக்காங்க.

இங்லீஷ்ல இந்த ஃப்ளோ (flow) வராது. அதான் தமிழ்ல. நான்-தமிழ் பசங்களுக்கு யாராவது ட்ரான்ஸ்லேட் பண்ணி அனுப்புங்க ப்ளீஸ்.

ஜய் ஹிந்த்! ஹேப்பி தீபாவளி!! ஜய் சீதாராம் (என் பேருப்பா!!)

கோடைக்கானல் டூர்

யுனிவர்சிடி வேலைய விட்டு கம்பனி வேலைக்கு வந்தப்பறம் போற மொதல் டூர். ஞாயிற்றுக் கிழம மட்டுந்தான் லீவு கம்பனில. யுனிவர்சிடிலயும் அப்டிதான் இருந்துது. அப்பறம் ரெண்டு நாள்னு மாத்திட்டாங்க. வெள்ளி, சனி ரெண்டு நாள் முடிவா லீவு போட்டாச்சு. எங்க டூர் போறது, எவ்ளோ நாள் போறது, அங்க என்னென்ன இருக்கு பாக்க, தங்கறது, சாப்பிடறது எங்க இப்டி எல்லாமே வ்யாழக் கிழம (28.08.2009) தான் முடிவு எடுத்தது. வீட்ல தங்கற நேரம் கொறஞ்சதால இந்த டூருக்கு ரொம்ப முக்யத்துவம். ஆபீஸ் நெனப்பே இல்லாம இருக்கனும்னு.

வ்யாழக் கெழம நெட்ல பாத்து கொடைக்கானல் போலாம்னு முடிவு பண்ணி, அங்க என்னென்ன எடம்லாம் பாக்கனும்னும் லிஸ்ட் போட்டாச்சு. நாம நெனைக்கும்போது ட்ரைன், பஸ்ல டிக்கெட் கெடைக்குமா. மொதல் வெடி அங்கதான் ஆரம்பம். ட்ராவல்ஸ் சைட்டெல்லாம் செக் பண்ணி, பர்வீன் ட்ராவல்ஸ்ல மெட்ராஸ்லேந்து கொடைகானல்கே பஸ் இருக்கறத பாத்து, வீட்டுக்காரம்மாகிட்ட விஷயத்த சொல்லி, தயாரா இருக்க சொல்லியாச்சு. எங்க ஆபீஸ் அடையாறு சிக்னல்ல. அடையாறு பஸ் டிப்போகிட்ட, பர்வீன் ட்ராவல்ஸ் ஆபீஸ் இருக்கு. அங்க போயி டிக்கெட் புக் பண்ணியாச்சு. ஒருத்தருக்கு நானூறோ, நானூத்தம்பதோ ஞாபகம் இல்ல. கடைசி வரிசைதான். இந்த மாதிரி ஏர் பஸ்ல புக் பண்ணி போறது இதுதான் மொதல் தடவ. A/C லாம் இல்ல. ஆனா பஸ் நல்லாத்தான் இருந்துது. தூக்கிப்போடும்போதும் தூளில இருந்தா மாதிரித்தான் இருந்துது. வீடு தாம்பரம். அதுனால பெருங்களத்தூர்ல போர்டிங் போட்டாச்சு.

ரோஹித், கமல் கூட சேந்து ஒரு டிஜிடல் ஃபோட்டோ கேமெராவும் வாங்கியாச்சு. நாலாயிரம், அஞ்சாயிரம்னு ஆரம்பிச்சு ஒரு பத்தாயிரம் அதுக்கு வெடி. நாங்க ஜாய்ண்டு ஃபேமிலி. ஒரு 13, 15 மனுஷங்க, ஒரு 26 பசு மாடுங்கன்னு. சோத்துக்கு வழி இருக்கோ இல்லியோ, ஷோஸியல் சர்வீஸ், உபன்யாசம்னு எல்லாரும் எப்போதும் பிஸி. நாங்க சின்னதா இருந்ததெல்லாம் அப்பா நெறையா ப்ளாக் அண்ட் வொயிட் ஃபோட்டோ எடுத்து வெச்சிருக்கார். அங்கேந்து வந்தது இந்த கேமெரா ஆசை. இந்த டூருக்கப்பறமே வீட்ல நடக்கற ஒவ்வொரு நிகழ்ச்சிகளையும், குழந்தைங்க ஆட்டங்களையும் படம் எடுத்தாச்சு இந்த கேமெரால. உடனே, உடனே டிவி ல போட்டுக் காமிச்சா எல்லாருக்கும் ஒரே சந்தோஷம். நோ பிலிம், நோ ஸ்டுடியோ, நோ வெயிட்டிங் ஆல்பத்துக்கு, எடுக்கும்போது கொழந்த சிரிக்கலயே, கேமராவ பாக்கலயேன்னு கவலை இல்ல. ஒரு நாலஞ்சு எடுத்தா அதுல ஒன்னு, ரெண்டுல சிரிச்சிருக்கும்.

ம்... பஸ்சு வந்தாச்சு. ஒயரமான பஸ். ஏறியாச்சு. பர்வீன்னு எழுதின வெள்ளத்துணி போட்டு மூடின புஷ் பேக் சீட்டு. ஸ்க்ரீன் போட்ட கண்ணாடி ஜன்னல். சூப்பர்தான் போ. பர்வீன்லயே மெட்ராஸ்-கோடைக்கானல் டூர் அரேஞ்ஜ் பண்றாங்களாம். அவங்களும் இதுல தான். மீதி எடத்துல திருச்சி, கோடைக்கானல் போறவங்களயும் ஏத்தியாச்சு. சும்மா சொல்லக்கூடாது. செங்கல்பட்டு, மஹாபலிபுரம், பாண்டிச்சேரி, திருச்சின்னு எங்கேந்தெல்லாம் புக் பண்ணியிருக்காங்களோ, அங்கெல்லாம் போயி அவங்கள ஏத்தினு போச்சு. மஹாபலிபுரத்துல ஹோட்டல் மாமல்லன்னு ஒரு எடத்துல சாப்பாட்டுக்கு நிறுத்தினாங்க. சாப்டுத்தான் கெளம்பினோம். ஆனா டூர்னா சாப்பாடும் சேந்ததுதானே. நேரங்காலமில்லாம கிடைச்சத, கெடச்ச அளவு சாப்டுதான் பீமன் செத்தானாம். பெரியவங்க வழிய மீறலாமா. நாமும் சாப்டுவோம்னு சாப்டாச்சு. நல்லா இருந்துது. அப்பறம் தூக்கம் தான். இந்த மாதிரி பெரிய ட்ராவல் போகும்போது பாட்டுக்கேட்டுனே போக ஒரு பொட்டி வாங்கனும். நடு ராத்திரி கண்ண திறந்து பாத்தா, பாண்டிச்சேரில போயினுருக்கு வண்டி. திருப்பித் தூக்கம். திருச்சில இருக்கற அம்மா, அப்பாட்ட சொல்லாமலே, திருச்சிய தாண்டிப் போறோம். எங்க சொல்றது. நமக்கே நேத்தி சாயந்தரம் தான் தெரியும்.

29.08.2009 வெள்ளிக் கிழமை காலம்பற ஒரு ஆறு மணி. மலைக்குக் கீழ ஒரு எடத்துல டீ, காபி சாப்பிட நிறுத்தினார். ரொம்ப நாளைக்கப்பறம் ஒரு க்ராமத்துக் காலை. சுத்தி மலைகள். ஒரு குடிசைல ஒரு ஆயா ஆப்பம் போட்டு விக்கறாங்க. அந்த சிலு சிலு க்ளைமேட்ல அந்த குடிசை கீத்து வழியா வர்ற அந்த அடுப்புப் புகை. நம்ம கூடவே போட்டி போட்டுனு மலை, மரத்தையெல்லாம் தாண்டி வர்ற காலையிளம் கதிரவன். ஆஹா, காட்சி எல்லாரையும் கவிஞனாக்குது. பஸ்ஸு போகும்போது பின்னாடி திரும்பி வளைந்து, வளைந்து போகும் பாதை, மலை, கூட வர்ற சூரியன், வித விதமான வடிவேலு ஹேர் ஸ்டைல்ல இருக்கற மரங்கள்னு எல்லாத்தையும் ரெகார்ட் பண்ணியாச்சு.

ஒன்பது மணி. கோடைக்கானல் ஹோட்டல் சிவப்ரியா வாசல்ல எறக்கிவுட்டாங்க. ரூம்லாம் பயங்கர வாடகை. ஆயிரம், ரெண்டாயிரம்னு. ப்ரோக்கர் கண்ணுல படாம நைசா ஒரு மெடிக்கல் ஷாப்ல போயி, எங்கயாவது ஒரு நானூறு, ஐநூறு ரூபாய்க்கு ரூம் கெடைக்குமான்னு கேட்டோம். அவர் ஒடனே பக்கத்துல இருந்த ஒரு ப்ரோக்கர கூப்ட்டு ஹெல்ப் பண்ண சொன்னாரு!! அங்க எல்லாருமே அரசு அங்கீகாரம் பெற்ற கைடுன்னு ஒரு ஐடி கார்டு வெச்சிருக்காங்க. நாங்க அவர் கூட போனோம். ஏரி கிட்ட, ஒரு மேட்டுல விக்னேஷ் கெஸ்ட் ஹவுஸ் னு ஒரு எடத்துக்குக் கூட்டினு போனாரு. அவர் எங்களுக்காக எண்ணூறு ரூபால ஆரம்பிச்சு, அப்பறம் நாங்களும், கூட வந்த ப்ரோக்கரும் கேட்டுக்கொண்டதற்காக ஒரு நாளைக்கு நானூறு ரூபான்னு ஒரு ரூம காமிச்சார். பாத்தோம். ஓகே சொன்னோம். பல்ல தேச்சு, குளிச்சு வெளில கெளம்பியாச்சு.

என்னென்ன பாக்கனும்னு லிஸ்ட் இருக்கு. ஆனா எப்டி போறது. ஆட்டோ, பஸ்ஸு கெடையாது. ஒன்லி டாக்ஸி. மினிமம் அம்பது ரூபாவாம். ஒரு ட்ரைவர்ட்ட எங்க லிஸ்ட காமிச்சோம். அவரு முன்னூறு ரூபா குடுங்க. இன்னிக்கு சில எடங்கள காமிக்கறேன்னு சொன்னாரு.

செட்டியார் பார்க்,
குறிஞ்சி ஆண்டவர் கோயில்,
ஒரு ஜெயின் கோவில்,
கரடி அருவி,
பேரிக்கா மரங்கள் இதெல்லாம் காம்ச்சிட்டு போட் க்ளப் கிட்ட உட்டாரு. எவ்ளவோ செலவு பண்றோம். இத பண்ண மாட்டோமான்னு நமக்கு நாமே தேத்திண்டோம். நல்லா தான் இருந்துது. குறை ஒன்றும் இல்லை. நல்ல டிரைவர், ஏசி காரு, அடிச்சுப் புடிச்சு அடஞ்சு, அடங்கி ஒக்காராம ரெண்டே பேரு.

செட்டியார்!! பேர் ராசி போல. எத தொட்டாலும் துலங்குது. பேங்க் ஆரம்பிச்சாங்க, பிஸ்நெஸ் பண்ணினாங்க, அழகழகா அரண்மனை மாதிரி வீடு கட்டினாங்க, சமுதாயத்துக்கும், சமயத்துக்கும் நெறையா தொண்டு பண்ணினாங்க, இந்த வரிசைல இந்த செட்டியார் பார்க். நாங்க போகும்போது ஒன்னும் நுழைவுக் கட்டணம் இல்ல. அருமையான, அழகான, அமைதியான எடம். ஊட்டி கார்டன், இல்ல அதைவிட அழகா. அவங்க வெட்டி போட்ருக்கற செடி குப்பையெல்லாம் வூட்டுக்காரம்மா பொக்கே பண்ணப் போறேன்னு எடுத்துனு வந்தாங்க. அடுத்தது குறிஞ்சி ஆண்டவர். முருகன் அழகுன்னு சொல்லனுமா. கோயிலோட ரெண்டு பக்கத்துலயும் பழனி வ்யூ, கோயம்புத்தூர் வ்யூ ன்னு காமிச்சாங்க. ரெண்டு ஊர்லேந்தும் வந்துருந்தா ஓரளவு புரிஞ்சிருக்கும். நமக்கு வளந்த, வாழற ஊர்லையே இன்னும் பாதி எடம் பக்கத்துலேந்து பாத்தாலே புரியல. தெரியல. அதுலெல்லாம் மனைவி கிரேட் (பொதுவா எல்லா பொம்பளைங்களுமே!!). புது அபீஸ் சேந்தா பாதி நாள் பஸ் மாறி ஏறது, ஸ்டாப் மாறி ஏறங்கறது, நம்ம வீட்டு சந்த விட்டு வேற சந்து மாறி சுத்தறது இதெல்லாம்தான் நான் மறக்காம பண்றது.

ஜெயின் கோவில் வர்ற வழில பேரிக்கா பறிச்சு போடற ஒரு எடத்துல நிறுத்தி, நாலஞ்சு பேரிக்கா வாங்கிக் குடுத்தார். என்னா பெரிசு. இதெல்லாம் எக்ஸ்போர்ட் பண்ணிடுவாங்கலாம். கடிச்சா ஜூஸ் கொட்றது. ஒரு லாபத்தையும் எதிர்பாக்காத பூமி மாதா எந்த கலப்படமும் இல்லாம அவ கொழந்தைங்களுக்காக தரா இதையெல்லாம். நம்ம ஊர்ல வண்டில, இல்ல ஒரு கூடைல ஒவ்வொரு சாமானா எடுத்துப் போட்டுப்போமே, அந்த டிபார்ட்மெண்டல் ஸ்டோர்லெல்லாம் இதுல பாதி சைஸு பேரிக்கா (+ கடை வாடகை + கரண்ட் பில்லு + தப்பு தப்பா பில்லு போடற ஆளுங்க சம்பளம் + வண்டி வாடகை + யாரும் வாங்காம வீணா போற சாமான்களோட விலை + கடை பராமரிப்பு + லாபம்) இருபது ரூபா வரை இருக்கும். வாட் வரி, இதெல்லாம் வேற. ஜெயின் கோவில் நம்மூர்ல அங்கங்க புள்ளையார் கோவில் கட்டி இருப்பாங்களே, அந்த சைஸு. ஆனா எல்லாம் மார்பிள். குட்டியா, ஆனா க்யூட்டா இருந்துது.

அருவிங்க கோடைக்கானல், அத சுத்தி இருக்கற கிராமங்களுக்கெல்லாம் குடி நீர். சில்லுனு வேற இருக்கும். அதுனால குளிக்காதீங்கன்னாரு ட்ரைவர் அண்ணா. சொல்றத கேக்கற பழக்கம்? கார நிறுத்தின எடத்துலேந்து ஒரு அம்பது அடி ஒத்தையடிப் பாதைல போணும். பாதைக்கு ரெண்டு பக்கமும் கரண்ட் ஃபென்சிங் (இரும்புத் தடுப்பு !!) போட்ருக்காங்க. கரடி வருமாம். சல, சலன்னு சத்தம். சிலு, சிலுன்னு காத்து. மனைவிய குளிக்க வேண்டாம்னு சொல்லிட்டு, துண்டக் கட்டிக்கினு டமால்னு தலைய வுட்டேன் கொட்ற தண்ணீல. சில்லுனு இல்ல ஜில்லுனு, ஹூஹூம். என்னவோ. மூச்சு நின்னுது ரெண்டு நிமிஷம். சொல்லவே இல்ல!! ஏற்கனவே ரெண்டு, மூணு பேர் குளிக்கறாங்க. சொல்லி இருக்கலாம். கேக்க மாட்டோம்னு தெரிஞ்சவங்களா இருப்பாங்க. கொஞ்ச நேரம் ஒரு பாறைல ஒக்காந்து யோசிச்சேன். கொஞ்சம் காலு, கொஞ்சம் கையி, கொஞ்சம் ஒடம்பு, அப்பறம் தலைன்னு நனைச்சிருக்கலாம். ஒடம்பு அந்த ஜில்லுப்புக்கு ரெடின்னு தெரிஞ்சதும் கொஞ்ச நேரம் குளிச்சேன். என்ஜாய் பண்ணினேன். என் நிலைக்கு வந்ததும் மனைவியவும் சும்மா கூப்ட்டு ஃபோட்டோ எடுத்துண்டோம். ட்ரைவர் தேடினு வந்துட்டார். பொன்னியின் செல்வன் பழவேட்டரையர் மாதிரி ஒரு பார்வை பாத்தார். பம்மினு வெளில வந்தோம். ஏரி கிட்ட போட் ஹவுஸ்ல விட்டுட்டு போனாரு.

போட்டிங் போற ஐடியா இல்ல. நெறையா போயாச்சு. வேற எங்கயும் இல்ல, இங்க மட்டும் தான் இருக்குங்கறத மட்டும்தான் அனுபவிக்கனும்னு ப்ளான். ஆளுக்கு ஒரு சைக்கிள் எடுத்துனு அப்டி ஜெமினி, சரோஜா தேவி மாதிரி போலாம்னு பாத்தேன். ஒரு தொப்பி விக்கற அம்மா, "பள்ளத்துக்கு ஓட்டிட்டு போகும்போது அப்டி இருக்கும், ஆனா மேட்டுக்குத் திருப்பி அமுத்தும்போது வில்லன் தொரத்தறா மாதிரி நினைச்சினா தான் அமுத்த முடியும்னுட்டாங்க". கல்யாணத்துக்கப்பறம் நெறையா பொண்ணுங்க சைக்கிள் ஓட்றது இல்ல. வண்டிக்கு மாறிடறாங்க. என் மனைவி என்னை விட சூப்பரா, பொறுப்பா எக்செல் ஹெவி ட்யூட்டி ஓட்றா. ஒவ்வொருத்தர் ஒவ்வொரு விஷயத்துல பொறுப்பு. நான் சூப்பரா பின்னாடி ஒக்காந்துப்பேன்.

ரூமுக்கு வந்தாச்சு. மணி சாயந்தரம் ஒரு அஞ்சு, ஆறு இருக்கும். மழை கொட்டுது, ரூமுக்குள்ளயும்!! அட்டாச்சுடு பாத் ரூம்ல பாத்தா கொச, கொசன்னு மம்மி படத்துல வர்றா மாதிரி அட்டைப் புழு. வெயில் அடிக்கும்போது மட்டும் தங்கற ரூம் போல இருக்கு காஷ்மீர் தலைநகரம் மாதிரி. இன்னும் ஒரு நாள் ஓட்டனும். நாலு எடத்தப் பாக்கணும். இது ஒன்னும் சரி படும்னு தோணல. எல்லாருக்கும் யூகலிப்டஸ் தைலம், பேரிக்கான்னு பைல ரொப்பினு போலாம்னு பாத்தா, இங்க இன்னும் கொஞ்ச நேரத்துல புழுவா ரொம்பிடும் போல இருக்கு. மத்த இடங்கள் காஸ்ட்லி நம்ம பட்ஜெட்டுக்கு. புழுவா, பணமா எதுக்கு பயப்படறது.

பணத்த கொடுத்துப் புழுவ தொரத்த வேண்டியதுதான். அண்ணாவுக்கு ஒடம்பு சரி இல்ல, ஊருக்குப் போறோம், காலி பண்ணிக்கறோம்னு சொன்னோம். ஒரு நாள் வாடகை (400), ப்ரோக்கர் கமிஷன் (150) போக மிச்சம் 250 தரேன்னு அன்பா சொல்லி குடுத்தாரு. யூகலிப்டஸ் தைலம் வாங்கலாம்னு பேசிண்டோம். எனக்குத் தெரிஞ்ச எடம் இருக்கு, விலை கொறச்சு வாங்கித் தரேன்னு சொன்னாரு. நாங்க விசாரிச்ச எடத்த விட இருபது ரூபா ஜாஸ்தி. அவர் த்ருப்திக்கு ஒண்ணு, ரெண்டு வாங்கிண்டோம்.

ஓடினோம் நேர சிவப்ரியா ஹோட்டல்க்கு. ஒரு நான் ஏசி டபிள் பெட் ரூம் வித் அட்டாச்சிடு பாத்ரூம் வித் சுடுதண்ணி, தொலைபேசி ஒரு நாளைக்கு எண்னூறோ, ஆயிரமோ சொன்னார். ஒரு தடவ முடிவு செஞ்சுட்டா நம்ம பேச்சையே நாம கேக்க மாட்டோமே. புக் பண்ணியாச்சு. ரொம்ப அருமை, ரூம், ரிசெப்ஷன், சாப்பாடு (விலை, டேஸ்ட்), கவனிப்பு, ஜோர், ஜோர். மெட்ராஸ் ரத்னா ஸ்டோர்ஸுக்கும் இவங்களுக்கும் தொடர்பிருக்கு. மெனு கார்டுல "விசிட் அவர் ஷோ ரூம்"னு போட்ருந்துது. நல்ல வ்யூன்னு சொல்லி ஒரு ரூம் குடுத்தார். இதெல்லாம் பாரதியார்க்குக் கெடச்சிருந்தா இன்னும் பத்துப் பாட்டாவது எழுதி இருப்பார். தூங்கறவங்களுக்கு என்ன யூஸு.

வெளில போயி அரசு டூரிஸ்ட் ஆபீஸக்கண்டுபுடிச்சோம். மிச்ச எடத்தப் பாக்கறதப் பத்திப் பேச. அவங்க ஒன்னும் அரேன்ஜ் பண்றதில்லையாம். லோக்கல் டூரிஸ்ட் ஆளுங்கள்ல ஒருத்தர நம்பிக்கையானவர்னு கூப்ட்டு எங்க பாக்கி லிஸ்ட குடுத்தார். அவர் சரின்னு சொல்லி தலைக்கு (எல்லாத்துக்கும்தான்) இருநூறு ரூபா போல சொன்ன ஞாபகம். சரின்னு பணத்தக் குடுத்தோம். வண்டி அடையாளங்கள சொல்லி காலைல ஹோட்டல்லையே வந்து பிக் அப் பண்ணிப்பாங்கன்னாரு. அப்டியே கொஞ்ச நேரம் சுத்திட்டு கொஞ்சம் பழங்கள வாங்கினு ஹோட்டல்க்கு வந்தோம்.
டிபன ஒரு கட்டு, கட்டிட்டு ஒரு தூக்கத்தைப் போட்டோம்.

30.08.2008 சனிக்கிழமை, வெளிச்சம் கண்ணத் தட்டியது, தொறந்தோம். எந்த க்ளைமேட்லயும் குளிக்கறதுக்கு ரெண்டு பேருமே அஞ்சறதில்ல. என்ன என் மனைவி வெளில போய்ட்டு வந்தா, மாலைக் குளியல்னு ஜமாய்ப்பா. நமக்கு நம்மூர் புழுதிய அலம்பி உட்ரதுல அவ்ளோ இஷ்டம் இல்ல. மனசு வலிக்கும். இப்பப்ப அதுவும் ஆரம்பிச்சாச்சு. டிபனும் சாப்டாச்சு. அலங்காரமும் ஆச்சு. வண்டி வந்தபாடில்ல. ரூம பூட்டிட்டு போலாம்னா, ரூம் க்ளீனிங்னு வந்துட்டாங்க. ரிஷப்ஷன்ல ஒடனே நீங்க வேற ரூம்க்கு போங்க சார். வெயிட் பண்ண வேணாம்னு உதவி பண்ணினார். கலைச்சுப் போட்ட ரூம்க்கும், புது ரூமுக்கும் வித்யாசம் இருக்கத்தான் இருக்கு. நான் கொஞ்சம் பெரிசு. என்னோட ஜிப்பா இன்னும் பெரிசு. போன் பேசற போட்டோல, மலை ஏற்ர போட்டோல காஷ்மீர் தீவிரவாதி மாதிரி இருக்கு. டூர் வண்டி வந்தாச்சுப்பா.

ஒரு மணி, ஒன்றை மணி நேரம் லேட்டு. விரட்டி, விரட்டி எதையாவது ஒண்ணு, ரெண்ட விட்டு கூட்டினு வந்திடப்போறானோ. ஒரு பதினஞ்சு, இருபது பேர் ஒக்காரலாம். என்னடா இவ்ளோ எடத்துக்கு 200 ரூபா வாங்கறாங்கலேன்னு பாத்தேன். இதான் விஷயம். வண்டில ரெண்டு, மூணு லிஸ்ட் கார்டு. க்ரூப், க்ரூப்பா ஒவ்வொரு டூரிஸ்ட்காரனும் புக் பண்ணி, ஒரே வண்டில ஏத்தி விட்ருக்காங்க. இது இன்னொரு விஷயம். எந்த க்ரூப் லிஸ்ட்ல இருக்கற எடம் கட் ஆகப் போறதுங்கறது சஸ்பென்ஸ். எதையோ காமிக்க போறாங்கன்னு நெனைச்சா ஒரு அரை மணி நேரம் கழிச்சு ஒரு எடத்துல நிறுத்தி இன்னும் ரெண்டு பேர ஏத்திக்கறாங்க. அவ்ளோதான். வண்டி கெளம்பியாச்சு. ஆட்டு மந்தை இருக்கற எடத்த பாக்க வன அதிகாரிகள்ட்ட பர்மிஷன் வாங்கனும்னு ஒவ்வொருத்தர்ட்டயும் இன்னும் முப்பது ரூபா வாங்கினாங்க. வழக்கம் போல கொஞ்சம் முனுமுனுப்பு, எதிர்ப்பு. அப்பறம் குடுத்தாச்சு. ஒவ்வொருத்தரும் அறிமுக உரையாடி முடிந்தது.

கிரீன் வாளீ !! பசுமைப் பள்ளத்தாக்கு வ்யூ,
கோல்ஃப் க்ரவுன்ட்,
டாப் லேக் வ்யூ,
சின்மயா மிஷனோட அனுமார் கோவில்,
பைன் ஃபாரஸ்ட்,
பாம்பாறு அருவி,
மகாலக்ஷ்மி கோவில்,
பூம்பாறை க்ராம வ்யூ,
பில்லர் ராக் வ்யூ,
குணா கேவ்,
ஷீப் ஃபார்ம் இதெல்லாம் தான் இன்னிக்குப் பாத்தது.

பசுமைப் பள்ளத்தாக்கு வ்யூ போற வழி முழுக்க ஊர்த் திருவிழாம்போது வழில ரெண்டு பக்கமும் பலகாரம், பொம்மை, எவர்சில்வர் சாமான்னு கடை போடுவாங்கல்ல, அது மாதிரி ட்ரை ஃப்ரூட், தேன், மூலிகை, பழங்கள்னு கடைகள். தாண்டிப் போனா இரும்பு வேலி போட்ருந்தாங்க. தாண்டிப் போகமுடியாதபடி. ஆனா கொரங்குங்க குடும்பம், குடும்பமா இங்க, அங்கன்னு போயிட்டு வருதுங்க. ஒரே பனி மூட்டம். ஏதோ ஆயிரக் கணக்குல ஆழம்னு சொன்னாங்க. ஒன்னும் சுத்தமா தெரியல. ரெண்டு, மூணு வகைல பெறிக்க வாங்கிண்டு, சுட்ட சோளக்கருது வாங்கித் தின்னுட்டு, ரோட க்ராஸ் பண்ணினா கோல்ஃப் க்ரவுண்ட். சுத்தி வலை போட்டு மூடி இருக்காங்க. ஓட்ட வழியா பாத்தோம். நாலஞ்சு அடிக்கு புல்வெளி தெரிஞ்சுது. அப்பறம் பனிதான். கீழ விக்கற விலைய விட இங்க பேரிக்கா கொஞ்சம் சீப்தான்.

அடுத்தது டாப் லேக் வ்யூ. கீழ இருக்கற ஏரிய மேலேந்து பாக்கறோம். ஸ்டார் வடிவத்துல தெரியும்னார் கைடு. மிஸ்ட் ஃபார்ம் (பனி மூட்டமாம்) ஆய்டுச்சாம். ஏரிய சுத்தி மரங்கள் வேற. தெரிஞ்சத பாத்துட்டு கெளம்பினோம். அடுத்தது சின்மயா மிஷன் சார்புல இருக்கற ஒரு சின்ன ஆஞ்சனேயர் கோவில். சூப்பரா இருந்தார். பைன் ஃபாரஸ்ட், சினிமால வில்லன் ஹீரோயின துரத்துவாரே அந்த இடம். சூப்பரா இருந்துது. குதிரை ரைடு கூப்டாங்க. ஏறல. குதிரை அன்னிக்கு இருக்கற மாதிரிதான் இருக்கு. ஆனா ஏதாவது ஆச்சுன்னா, இன்னிக்கு இருக்கற ஆளுங்க அத எம்.ஜி.ஆர் மாதிரி தடுத்து நிறுத்தி அடக்குவாங்களாங்கறதில அவ்ளோ நம்பிக்கை. ஃப்ரஷ்ஷா கேரட் வித்தாங்க, வாங்கி சாப்டோம். ஜம்முனு இருந்துது. இங்க ஒரு க்ராமத்து க்ரூப் அவங்கள போட்டோ எடுக்க சொன்னாங்க. ரெண்டு, மூணு எடுத்து, அவங்க ஊருக்கும் ப்ரிண்ட் போட்டு அனுப்ச்சு வச்சாச்சு. ரொம்ப நன்றின்னாங்க போன்ல. உருப்படியா ஒரு வேல.

முப்பது ரூபா வாங்கிண்ட ஆட்டு மந்தை காமிக்கல. மேயற எடத்த காமிச்சாரு. அங்க ஆட்டுப் புழுக்க கூட இல்ல. டீமுக்கு கோவம் வந்தாச்சு. சரின்னு ட்ரைவர் நான் ஒரு ஹேர் பின் பெண்டு போட்டு வரேன். நீங்க இப்டியே கைடு கூட கீழ எறங்கிப் போங்கன்னாரு. சூப்பர் புல்வெளி. பசங்கள்லாம் குதிச்சு, பொரண்டு, ஒருத்தன் மேல ஒருத்தன் விழுந்து, வித விதமான கெட் அப்புல போட்டோ எடுத்துண்டாங்க. நாங்க கொஞ்சம் பேர் கைடு கூட நடந்து வந்தோம். வழில அவரு ரத்தம் குடிக்கற அட்டைப் புழுன்னு ஒன்ன காமிச்சாரு. புழு சைஸ் தாங்க. நம்ம ஊரு அட்டைப் பூச்சி போல இல்ல. கருப்புக் கலர்ல ஒன்னு, ரெண்டு இன்ச் நீளத்துல இருக்கும் மெல்லீசா. யாரும் சொன்னா கேக்க மாட்டேங்கறீங்கன்னாரு. ஆட்டம் போடற பசங்கள்ட ஒடனே இதப் பத்தி சொன்னோம். அவ்ளோதான். எல்லாப் பயலும் கீழ ஒடியாந்துட்டான்க. அவனவன் செருப்பு, கோட், ஜெர்க்கின், ஷூ எல்லாத்தையும் கழட்டி ஒதறினாங்க. அங்கங்க விழுந்துது. நாலஞ்சு பேருக்கு கால் விரல் சந்துல சத்தம் போடாம ரத்தம் சாப்டுனு இருந்துது. எல்லாம் க்ளீன் பண்ணினு கெளம்பினோம்.

பாம்பாறு அருவி. நமக்குத்தான் அது பெரிய விஷயம் இதெல்லாம். உள்ளூர் காரங்களுக்கு அவசரத்துக்கு அலம்பிக்கற எடம். கீழ கொஞ்சம் மோசமா இருந்துது. மலை மேல ஏறி கொஞ்ச தூரம் போயி என்ஜாய் பண்ணினோம். அடுத்தது மஹாலக்ஷ்மி கோவில். இப்பத்தான் கட்டினு இருக்காங்க கேரளா ஸ்டைல்ல. சின்ன, சின்ன சன்னிதி, பூட்டி இருந்துது. சுத்தி அருமையான காட்சிகள், எல்லாத்தையும் போட்டோ எடுத்துனோம். பூம்பாறை க்ராமம் டூர்னு சொல்லிட்டு, இந்த எடத்துலேந்து கீழ இருக்கற பூம்பாறை க்ராமத்த காமிச்சாங்க.

அடுத்தது பசங்க அமக்களம் பண்ணினதுக்காக திருப்பி கொஞ்ச தூரம் நடந்து போயி குணா குகைகளுக்கு போலாம்னு கூட்டினு போனாரு கொல்லைப் பக்கம் வழியா. ஒரு ஒன்னு, ரெண்டு கி.மீ நடந்தோம். அருமையான சூழ்நிலை. பனி மூட்டம். அடர்ந்த மலைக் காட்டுக்குள்ள ஒத்தையடிப் பாதைல போறோம். வழில ராக் பில்லர் காமிச்சாரு. மலைகளே நாலு தூண் மாதிரி இருக்கு இயற்கையா. எங்களுக்கு ரெண்டுதான் தெரிஞ்சுது. மிஸ்ட்!! குணா குகைகளுக்குப் பேரு டெவில்ஸ் கிச்சன்னு வைச்சிருக்காங்க. நிறையா பேர் செத்துப் போயிருக்காங்க, காணாம போயிருக்காங்களாம். ஒடம்பு கூட கெடைக்காதாம். கல்வெட்டு கூட வெச்சிருந்தாங்க. ஷூட்டிங் நடந்த எடத்துக்கெல்லாம் இப்ப போக முடியாது. தரைல, சுத்தின்னு எல்லா எடத்துலையும் கனமான இரும்பு வேலி. அப்பறம் என்ன? அவ்ளோதான். அவனவன் கைல இருக்கற லிஸ்டுல இத காமிக்கல, அத காமிக்கலன்னு பொலம்பினே வந்தோம். ஹோட்டல் கிட்ட எறக்கி விட்டாங்க கொட்டற மழைல. புண்ணியம் போங்க. ஆனா ஒரு விஷயம். இந்த வேன்ல நாங்க ஒவ்வொரு எடத்தையும் பாத்துட்டு, வண்டில ஏறி கதை, கதையா பேசினு வந்தோம். ரெண்டு ஜோடி மட்டும் காச குடுத்துட்டு, கண்டக்டர், ட்ரைன் கார்டு மாதிரி எங்கயுமே எறங்கவே இல்லையே. ரூமுக்கு வந்தாச்சு. நல்ல டயர்டு. ரூம்லேந்தே நைட்டுக்கு வேண்டிய டிபன ஆர்டர் பண்ணி சாப்டுட்டு தூங்கினோம்.

31.08.2008, ஞாயிறு. திருச்சிக்கு வீட்டுக்கு் லஞ்ச்சுக்குப் போயிட்டு கொஞ்ச நேரம் இருந்துட்டு நைட் பஸ் ஏறலாமா, இல்ல இன்னும் பாக்கி இருக்கற எடத்துல பாக்க முடிஞ்சத பாத்துட்டு, திருச்சிக்கு ஈவினிங் போயிட்டு நைட் பஸ் ஏறலாமா. ஒரு டாக்ஸி அண்ணாச்சி கிட்ட கேட்டோம். செண்பகனூர் ம்யூஸியம் காமிச்சிட்டு, லா ஸலேத் சர்ச்சுல விடறேன்னாரு. நூறோ, இன்னும் ஒரு அம்பதோ குடுத்த ஞாபகம். செண்பகனூர் ம்யூஸியம் ஒரு க்றிஸ்டியன் காலேஜ் மெயின்டனென்ஸ்ல இருக்கு. அரிய, பழைய விலங்குகள், பறவைகள்னு எல்லாத்தையும் பதப் படுத்தி வெச்சிருக்காங்க. மூணு ரூபா ட்க்கெட்டு, போட்டோ எடுக்கக் கூடாதுன்னாரு ரிஸெப்ஷன்ல இருந்த ஃபாதர் தாத்தா. சரின்னு சொல்லி உள்ள போயி பாத்தோம். கொஞ்சம் பேர் ஃப்ளாஷ் இல்லாம போட்டோ எடுத்துண்டாங்க. நல்லா இருந்துது. அடுத்தது லா ஸலேத் சர்ச்சு. 1863 ல அடிக்கல் நாட்டப்பட்டது, இங்க ஒரு கோவில், ஃப்ரான்ஸ்ல லா ஸலேத்துங்கற இடத்துல அன்னை காட்சி கொடுத்த எடத்துல இன்னொரு கோவில். இதெல்லாம் அங்க வெச்சிருந்த கல்வெட்டுல போட்டுருந்துது.

பக்கத்துலயே கூக்கர்ஸ் வாக். சர்ச்சுலேந்து ஏரிக்குப் போக இந்த ஒத்தையடி குறுக்குப் பாதைய கூக்கர் கண்டு புடிச்சாராம். இப்ப நாலஞ்சு பேர் நடக்கற அளவு டைல்ஸ் போட்டு, என்ட்ரன்ஸ், கேமிராக்குன்னு காசு வாங்கினு உட்றாங்க. இயற்கை எடம் குடுக்கற வரைக்கும் நம்ம எக்ஸ்டெண்டு பண்ணினே இருப்போமே. அது எதிர்ப்பு தெரிவிக்கும் போது பாத்துப்போம், இருந்தா!! அப்டியே நடந்து வந்தா ப்ரெயின் பார்க் கிட்ட கொண்டு வந்து விடறது அந்த பாதை. இது செட்டியார் பார்க் இல்ல. கவர்மெண்ட்டோடது. அவங்க ஆபீஸ் மாதிரியே இருக்கு. கோடைக்கானல்லயே செடி, மரம் அதிகம் இல்லாத இடம் இது. எதோ வேலை பார்த்துக் கொண்டே, வேலை பார்த்துக் கொண்டிருக்காங்க இங்க. ஒரு போதி மரம் இருக்கு இங்க. அதுக்குக் கீழ சின்னதா ஒரு புத்தர் சிலைய வெச்சிருக்காங்க.

கவர்மெண்ட்டும் முன்ன மாதிரி இல்ல இப்பெல்லாம். சும்மா சாப்ட்டா திட்டு வாங்கறோம், மாட்டிக்கறோம் தெரிஞ்சிருக்கு. அதுனால புதுசு, புதுசா ஏதாவது வேலைய உண்டாக்கி எல்லாரும் எடுத்துண்டது போக திட்டத்துக்கு எவ்ளோ தேவைப்படும் கணக்குப்பாத்து நிதி ஒதிக்கித் தான் இப்பெல்லாம் ஆரம்பிக்கறது. நமக்கும் ரோடு (பின்னாடியே அத ஒடைக்கறதுக்கு கார்ப்பொரேஷன், ஈ. பி காரங்க, குடிநீர் வாரியம் ஆளுங்க, போன் ஆளுங்க,...) சாக்கடை வசதி (அப்பப்ப திறந்து இருக்கும் சூடு ஆறுவதற்காக, மழை காலத்துல இதுலேந்தும் தண்ணி வெளில வரும்), லைட் (டோல்கேட்டுக்கு முன்னாடியும், பின்னாடியும் கொஞ்ச தூரத்துக்கு, புதுப் பாலங்களுக்கு), பே அண்டு யூஸ் டாய்லெட் (சுத்தம் நாமளும் பண்ண வேண்டாம், அவங்களும் பண்ண மாட்டாங்க), நடைபாதை, (நடைபாதைக் கடைகள்), சிங்காரச் சென்னை 1950, 55, 60,65...இப்போ சிங்காரச் சென்னை 2010, புதுப் பாலங்கள்னு, ப்ளாஸ்டிக் சேர் மேல பெட்ஷிட் போட்ட மிதவை, சொகுசு, தாழ்தள, தங்கப் பேருந்துகள் (இரும்புல இருந்தா கொளுத்தும்போது த்ருப்தியா எரிய மாட்டேங்குதாம்), இந்தியாவிலேயே குறைந்த கட்டணத்துல ரெண்டு, மூணு ரூபாய் டிக்கெட்டுக்கு பஸ் (மதியம் 12 மணிலேந்து மாலை ஒரு 4 மணி வரை இந்தப் பேருந்துகள நீங்க பாக்கலாம்) நெறையா வசதிகள்.

மொழி, ப்ராந்திய, தேசியப் ப்ரச்சினைகள், தீவிரவாதம், விலைவாசி, புதுப் புது வ்யாதிகள் ஜாஸ்தி ஆயினே இருக்குன்னு நாம ஸ்டேட் கவர்மெண்ட் கிட்ட சொல்ல, அவங்க மத்திய அரசு கிட்ட சொல்ல, அவங்க ஐ. நா சபைல சொல்ல, அவங்க அமெரிக்கா, ப்ரிட்டன் கிட்ட சொல்ல, அவன் நிலால தண்ணி இருக்கா, புதுசா எதாவது க்ரகம் கிடைக்குதான்னு பாத்துட்டு வரேங்கறான். வெயிட் பண்ணுவோம், ப்ளீஸ். இல்ல நாமளும் இந்த தேசிய நீரோட்டத்துல கலந்துனு நம்ம பங்க ஆற்றுவோம், எடுத்துப்போம்

இதாம்பா டூர். 31ம் தேதி திருச்சி போயிட்டு, நைட் கெளம்பி மறுநாள் ரெஸ்ட் எடுக்க ஆபீஸ் வந்தாச்சு. ரொம்ப பிசி. அப்பறம் பாப்போம்.

ஜய் ஹிந்த்! ஜய் ஸ்ரீராம்!!

பெங்களூர் A. R. ரமணி அம்மாள் பாடியவைகளில் சில

குன்றத்திலே குமரனுக்குக் கொண்டாட்டம், பொம்ம பொம்மத்தா, முத்தான முத்துக்குமரா, பிள்ளையார் பிள்ளையார், ... இவையில்லாத கோவில் திருவிழாக்களே இருக்காது. நான் கேட்டு ரஸித்த அத்தகைய பாடல் வரிகளில் சிலவற்றை இதோ கீழே தந்துள்ளேன். 24 பாடல்கள், சிலவற்றில் ஒன்றுக்கு மேற்பட்டவை சேர்ந்து இருக்கும்.

1. ஆடு மயிலே, கூத்தாடு மயிலே
கதிர்காம ஸ்கந்தனைக் கூத்தாடு மயிலே (ஆடு)

அருகினில் நின்று அருள் புரியும் குஹன் - ஸ்கந்தன்
அருமையாய் அந்தரங்கத்திருக்கும் குஹன்
கருவிழி வள்ளிமானுக் குகந்த குஹன் - ஸ்கந்தன்
திருவடித் தாங்கி நின்று ஆடு மயிலே (ஆடு)

துள்ளித் துள்ளி விளையாடும் பால முருகன் - ஸ்கந்தன்
அள்ளி அள்ளி அருள் தரும் சீல முருகன்
வள்ளியின் கரம் பிடித்த வேலன் முருகன் - ஸ்கந்தன்
திருவடித் தாங்கி நின்று ஆடு மயிலே (ஆடு)

மனமது கனிந்திடில் மருவும் குஹன் - ஸ்கந்தன்
கனவிலும் கண் சிமிட்டிக் காட்டும் (காக்கும்) குஹன்
தனதென தான் பரிந்து பேசும் குஹன் - ஸ்கந்தன்
திருவடித் தாங்கி நின்று ஆடு மயிலே (ஆடு)

அருகினில் நின்று அருள் புரியும் குஹன் - ஸ்கந்தன்
ஆறுமுகம் கொண்ட சரவண முருகன்
கூறும் அடியார்கள் குறை (வினை) தீர்க்கும் குஹன் - ஸ்கந்தன்
திருவடித் தாங்கி நின்று ஆடு மயிலே (ஆடு)

2. அகரமு மாகி யதிபனு மாகி
யதிகமு மாகி அகமாகி
அயனென வாகி அரியென வாகி
அரனென வாகி அவர்மேலாய்
இகரமு மாகி யெவைகளு மாகி
யினிமையு மாகி வருவோனே
இருநில மீதி லெளியனும் வாழ
எனதுமு னோடி வரவேணும்

மகபதி யாகி மருவும் வலாரி
மகிழ்களி கூரும் வடிவோனே
வனமுறை வேட னருளிய பூஜை
மகிழ்கதிர் காம முடையோனே
செககண சேகு தகுதிமி தோதி
திமியென ஆடு மயிலோனே
திருமலி வான பழமுதிர் சோலை
மலைமிசை மேவு பெருமாளே

3. ஐயப்பா சரணம் சரணம் சரணம் சரணம் ஐயப்பா
ஸ்வாமியே சரணம் சரணம் சரணம் சரணம் ஐயப்பா

உத்தர நாளில் அவதரித்தாய்
சத்ரு சம்ஹாரம் செய்ய வந்தாய்
சரவண பவகுஹ சோதரனே
சபரி மாமலையின் நாயகனே (ஐயப்பா)

கார்த்திகை நல்லநாள் மாலையிட்டு
மார்கழி நல்லநாள் கட்டும்கட்டி
பஜனை செய்வோம் வீர மணிகண்டா
பம்பையின் பாலனே சரணம் பொன்னையப்பா (ஐயப்பா)

விரதம் உனக்காக இருந்தேனப்பா
இருமுடி சுமந்தே வந்தேனப்பா
கல்லோடும் முள்ளோடும் நடந்தேனப்பா
சொல்லாலே உன்புகழை சொன்னேனப்பா (ஐயப்பா)

இருமுடி சுமந்து எரிமேலி வந்து
ஒருமனதாக பேட்டை துள்ளி
நண்பராம் வாவரைத் தொழுதுநின்று
சபரிமாமலையை நாடிடுவோம் (ஐயப்பா)

சரணம் சரணம் என்று கூவிவந்தோம்
படி பதினெட்டும் ஏறிவந்தோம்
மகர ஜோதியின் அழகினிலே
அப்பா ஐயப்பா உந்தன் எழிலைக் கண்டோம் (ஐயப்பா)


4. ஐயப்பா சரணமென்றே ஐயப்பா சரணமென்றே
ஐயப்பா சரணமென்றே ஆனந்தமாய்க் கூப்பிடுவோம்
மோஹினி பாலனென்றும் மோஹன குமாரனென்றும்
வில்லாளி வீரனென்றும் வீரமணி கண்டனென்றும் (ஐயப்பா)

பந்தள வீரனென்றும் பதினெட்டும் படியென்றும்
பக்தர்கள் தாசனென்றும் ஆனந்தமாய்க் கூப்பிடுவோம் (ஐயப்பா)

காந்தமலை ஜோதியென்றும் காருண்ய மூர்த்தியென்றும்
கம்பங்குடி தாஸனென்றும் ஆனந்தமாய்க் கூப்பிடுவோம் (ஐயப்பா)

பம்பாநதிக் கரையில் பக்குவமாய் நீராடி
பத்துஎட்டுப் படிகளேறி எட்டுபத்துப் படிகளேறி
ஒம்பதுரெண்டு படிகளேறி ஆனந்தமாய்க் கூப்பிடுவோம்
எட்டுபத்துப் படிகளேறி பதினெட்டாம் படிகளேறி ஆனந்தமாய்க் கூப்பிடுவோம் (ஐயப்பா)


5. பொம்ம பொம்மதா தைய தையனக்கு தின்னாக்கு னக்குதின் பஜன்கரே
உத்தமித்த நாக்குதிமி தித்தாம் தித்தாம் தோம் தை தை கணபதி நாம் ஸதா

திம்மிக்கிடுகிட திம்மிகிடுகிட திக்குத்தாள திம்மிக்கிட தாகிடுத தாகிடுத தள தவோடுதாம்
உத்தமித்த நாக்குதிமி தித்தாம் தித்தாம் தோம் தை தை கணபதி நாம் ஸதா

அவருவாசுவே கரம்பாஜிதி அகேநாம்சதுர் கணராஜா
தாள மந்திர பஹுத் தாம்ஸத் ஸுரமண்டலகீ ஸுரபாஜா (பொம்ம)

வேணுவாஸரே அம்ருத குண்டலகீ தாரிக்கிரிகிட தாரிக்கிரிகிட தவால்கஜா
நாரத தும்புரு வைணவ ஜாகே நாரத கணமே உவஸர்கா (திம்மிகிடுகிட)

அவரு வாசுவே கரம்பாஜிதி த்ரிமி த்ரிமி த்ரிமி த்ரிமி மிருதங்கா
நவாபு ஸாரங்கி சித்தாரி கினரி அவரு வாசுகை முகர்சிங்கா (பொம்ம)


6. கந்தனும் வருவான் காட்சியும் தருவான்
கவலையை நீ விடுவாய் - மனமே
கனவிலும் நினைவிலும் அவன்திரு நாமத்தை
மறவாமல் நீ இருப்பாய் - மனமே

சிக்கலில் வேல் எடுத்தான் சிங்கார வேலனானான்
செந்தூரில் போர் புரிந்தான் சூரனையே வதைத்தான்
சரவணன் அவனே ஷண்முகன் அவனே
சிவசக்தி வடிவானவன் - முருகன்

தணிகையிலே அமர்ந்தான் தத்துவங்கள் சொன்னான்
தந்தைக்குக் குருவானான் தமிழுக்குத் துணையானான்
தரணியில் புகழோடு திருமறைகள் போற்ற
ஸ்வாமிமலையில் நின்றான் - தகப்பன்
சாமியாக நின்றான்

பழமதைக் கேட்டான் பழனியிலே அமர்ந்தான்
பக்தர்களை அழைத்தான் அருள்ஞானப் பழம்தந்தான்
பழமுதிர்ச் சோலையில் அழகுடன் அமர்ந்தான்
பரங்குன்றில் மணமலை சூட்டிக்கொண்டான் - திருப்பரங்குன்றில்

7. குன்றத்திலே குமரனுக்குக் கொண்டாட்டம் - அங்கே
குவிந்ததம்மா பெண்களெல்லாம் வண்டாட்டம் வண்டாட்டம் (குன்றத்திலே)

தெய்வயானை திருமணமாம் திருப்பரங்குன்றம்
தெருமுழுதும் பக்தர்களின் ஆனந்தமன்றம்
தங்கம் வைரம் பவளம் முத்து தவழும் தெய்வானை
தாங்கிக் கொண்டாள் வாங்கிக் கொண்டாள் முருகப் பெம்மானை (குன்றத்திலே)

உருகிச் சொல்லுங்கள் முருகனின் பேரை
நெருங்கிச் செல்லுங்கள் குமரனின் ஊரை
வேல் முருகா வெற்றிவேல் முருகா ஹரோஹரா

சந்தனம் பூசுங்கள் குங்குமம் சூடுங்கள்
ஹரஹர பாடுங்கள் வருவதைப் பாருங்கள்
கந்தனுக்கு வேல் வேல் முருகனுக்கு வேல் வேல்
வேல் முருகா வடிவேல் முருகா (குன்றத்திலே)


8. மாலோன் மருகனை மன்றாடி மைந்தனை வானவர்க்கு
மேலான தேவனை மெய்ஞ்ஞான தெய்வத்தை மேதினியிற்
சேலார் வயற்பொழிற் செங்கோடனை சென்று கண்டுதொழ
நாலாயிரங்கண் படைத்திலனே அந்த நான்முகனே.

சந்ததம் பந்தத் தொடராலே
சஞ்சலந் துஞ்சித் திரியாதே
கந்தனென் றென்றுற் றுனைநாளும்
கண்டுகொண் டன்புற் றிடுவேனோ
தந்தியின் கொம்பைப் புணர்வோனே
சங்கரன் பங்கிற் சிவைபாலா
செந்திலங் கண்டிக் கதிர்வேலா
தென்பரங் குன்றிற் பெருமாளே.

சரணம் குஹாய சரணம் குஹாய சரவணபவ குஹ ஹரோஹரா
கஜமுக சோதர கார்த்திகேயா சரணம் சரணம் ஹரோஹரா


9. மஞ்சு நிகர் குந்தளமின்னே ஸப்தஸ்தலங்கள் விகசிதம் செய்
வாரிஜாசனத்தில் வாழ்பொன்னே செய்ய வண்ணமே ஒளிர் சொர்ணமே நடை
அன்னமே இடை பின்னமே பெற வந்தபுய பார வஞ்சியே
அதி விருப்பத்துடன் உரைக்கும் வார்த்தையைக் கேள் ஆசை மிஞ்சியே

ஐந்து வயதானபருவம் தனில் எனது சிறு மனை முன்
அங்கஜவேல் போல உருவம் பெற்றே அன்று வந்து நயந்து மாலையில்
நெஞ்சழிந்து மயங்கவே புணர் ஆறு முக வேலவனையே
நினைவு கொண்டே மதி மருண்டே ஆறுதில்லை என்ன வினையே

என்னிரண்டு கண்ணும் தேடுதே கனவிலும் மனது நினைத்தே
ஏக்கமுற் றலைந்து வாடுதே முன்னம் என்றன் ஆகம டொன்றவே புணர்ந்து
அன்று போன குஹன்தன் ஆவலை எண்ணி எண்ணி என்ன பயனே
உருகி நிதம் மருகி விழ இப்படி விதித்தான் அயனே

சென்னிக் குளமேவிய வாசன் இனிய துதி அனுதினமும்
செய்திடும் அண்ணாமலை தாஸன் பாடும் சிந்து மீது மிகுந்த நேசமும் கொண்ட
சீல குஹன் ஸரோருஹ திவ்விய முகங்கள் ஆறுமே
கண்களில் கண்டால் அன்பருக் கெல்லாம் சேவையின்ப வெள்ளம் ஊறுமே


10. முருகா முருகா முருகா முருகா - அரஹரோஹரா
மால் மருகா மருகா மருகா மருகா - அரஹரோஹரா
தணிகாசலனே தவமா மணியே - அரஹரோஹரா
தானவர் போற்றும் தீனதயாளா - அரஹரோஹரா
கதிர்காமத்துறை கதிர்வேல் முருகா - அரஹரோஹரா
கந்தா கடம்பா கார்த்திகேயா - அரஹரோஹரா
செந்திலாண்டவா செங்கல்வராயா - அரஹரோஹரா
சிவஷண்முகனே சேனைத் தலைவா - அரஹரோஹரா

அக்கினிகர்ப்பா ஆறுபடை வீடா - அரஹரோஹரா
ஆவினன்குடிவாழ் அழகிய வேலா - அரஹரோஹரா
முருகா முருகா முருகா முருகா - அரஹரோஹரா
மால் மருகா மருகா மருகா மருகா - அரஹரோஹரா

மயில் வாஹனனே மாதவக் கொழுந்தே - அரஹரோஹரா
பழனியம் பதிவாழ் பாலகுமாரா - அரஹரோஹரா
சேவற் கொடியோய் செங்கதிர் வேலா - அரஹரோஹரா
சிவனார் மகனே செந்திலாதிபா - அரஹரோஹரா
முருகா முருகா முருகா முருகா - அரஹரோஹரா
மால் மருகா மருகா மருகா மருகா - அரஹரோஹரா

ஸ்வாமிநாதா சக்தி வேலா - அரஹரோஹரா
மூவர் முதல்வா முத்துக்குமாரா - அரஹரோஹரா
வள்ளி மணாளா வானவர் வேந்தே - அரஹரோஹரா
வடிவேல் முருகா திருமால் மருகா - அரஹரோஹரா
வேல் வேல் முருகா வெற்றிவேல் முருகா - அரஹரோஹரா
வேல் வேல் முருகா வெற்றிவேல் முருகா - அரஹரோஹரா
முருகா முருகா முருகா முருகா - அரஹரோஹரா
மால் மருகா மருகா மருகா மருகா - அரஹரோஹரா

11. முத்தான முத்துக்குமரா முருகையா வா வா வா
சித்தாடும் செல்வக்குமரா சிந்தை மகிழ வா வா வா

நீயாடும் அழகைக் கண்டு வேலாடி வருகுதையா
வேலாடும் அழகைக் கண்டு மயிலாடி வருகுதையா
மயிலாடும் அழகைக் கண்டு மனமாடி மகிழுதையா
மனமாடும் அழகைக் கண்டு மக்கள் கூட்டம் ஆடுதையா (முத்தான)

பன்னீரில் குளிக்கவைத்து பட்டாடை உடுத்திவைத்து
சந்தனத்தில் சாந்தனுக்கு அங்கமெல்லாம் பூசிவைத்து
நீர்ப்பூசி திலகம் வைத்து நெஞ்சத்தில் உன்னை வைத்து
அன்றுபூத்த மலரால் உன்னை அர்ச்சிப்போம் வருவாய் அப்பா (முத்தான)

நீங்கள் வாருமே பெருத்த பாருளீர்
பஜனை செய்யலாம் பாடி மகிழலாம்
முருகனைப் பாடலாம் வள்ளியைப் பாடலாம்
க்ருஷ்ணனைப் பாடலாம் மீராபாயைப் பாடலாம்
மயிலையும் அவன் திருக்கை அயிலையும்
அவன் கடைக்கண் இயலையையும் நினைந்திருக்க வாருமே

சொல்லுங்கோ...
வேல் முருகா வேல் முருகா வேல்
வேல் முருகா வேல் முருகா வேல்

அலைகடல் வளைந்தொடுத்து மெழுபுவி புறந்திரிக்கும்
அரசென நிறந்தரிக்க வாழலாம் - இங்கு (நாமும்)

சொல்லுங்கோ...

அடைபெறுவதென்று முக்தி அதிமதுர செந்தமிழ்க்கு
அருள்பெற நினைந்து சித்தி ஆகலாம்
முக்தி அடையலாம், சித்தியாகலாம்
முருகனைப் பாடினால் முக்தி அடையலாம்
சிவனைப் பாடினால் சித்தி அடையலாம்

வேல் முருகா வேல் முருகா...

நாளை எம படர் தொடர்ந்தழைக்க - நம்மை
அவருடன் எதிர்ந்திருக்க இனிஎன முழங்கி வெற்றி பேசலாம் (எமனுடன்)
முருகனைப் பாடினால் எமனுடன் பேசலாம்
சிவனைப் பாடினால் எமனை எதிர்க்கலாம்

வேல் முருகா வேல் முருகா...

வேல் வேல் முருகா வெற்றி வேல் முருகா
வேல் வேல் முருகா வெற்றி வேல் முருகா

உள்ளத்திலே இன்ப வெள்ளத்திலே - முருகன்
மெள்ளத் தவழ்ந்துவரும் பாலனாம்
தெள்ளித்தெளித்த தினை அள்ளிக்கொடுத்த புனை
வள்ளிக்கிசைந்த மணவாளனாம்

சொல்லுங்கோ...

வேதத்திலே திவ்ய கீதத்திலே பஜனை
நாதத்திலே முருகன் தோன்றுவான்
உங்கள் உள்ளத்திலே முருகன் தோன்றுவான்
ஒவ்வொருவர் பக்கத்திலே முருகன் தோன்றுவான்
அவன் பாதத்தையே என்றும் பற்றிக்கொண்டால்
உங்கள் பக்கத்திலே முருகன் தோன்றுவான்

சொல்லுங்கோ...

வேலனுக்கு ஹரோஹரா முருகனுக்கு ஹரோஹரா
கந்தனுக்கு ஹரோஹரா எங்கப்பனுக்கு ஹரோஹரா
சிவபாலனுக்கு ஹரோஹரா வடிவேலனுக்கு ஹரோஹரா
சொல்லுங்கோ...

12. நீர்க்கொண்ட சடைமுடியோன் நெற்றி விழிகளில் பிறந்து
சீர்கொண்ட சரவணத்தின் செங்கமலமிசை வளர்ந்து
கார்த்திகையின் முலைப்பாலும் கௌரியின் முலைப்பாலும் உண்டு
ஆர்த்த திரைக்கடல் இடைச் சென்று அசுரர் குலங்களைத் தொலைத்து
தேவர் சிறைதனை மீட்டு தெய்வ மடப்பிடி மணந்து
மூவர் தொழும் திருத்தணிகை முதுகிரியில் எழும் சுடரே

பக்தியால் யானுன்னை பலகாலம்
பற்றியே மாத்திருப் புகழ்பாடி
முத்தனா மாறனைப் பெருவாழ்வில்
முக்தியே சேர்வதற் கருள்வாயே
உத்தம தான சத்குண நேயா
ஒப்பிலா மாமணி கிரிவாசா
வித்தகா ஞானசத் தினிபாதா
வெற்றி வேலாயுதப் பெருமாளே

13. பாலும் பழம் உண்டு பக்திக்குப் பொருள் உண்டு
தேனும் தினை உண்டு தித்திக்கும் தமிழ் உண்டு
ஞானப் பழம் உண்டு பழனிமலை மேலே
வேலன் அருள் உண்டு வேண்டுவோர் மனம் போல
வேலன் துணை வருவான் நாளும் அருள் புரிவான்
வேலுண்டு மயிலுண்டு வினை தீர்க்க வழி உண்டு
வேலவன் அருள் உண்டு வேண்டிடும் அடியார்க்கு
வேலன் துணை வருவான்

கூவும் குயில் உண்டு குதூகலம் பல உண்டு
தாவும் மான் உண்டு மோஹனக் கிளி உண்டு
மாலைப் பொழுதினிலே சோலை அழகினிலே
மாலை நிலவொளியில் பன்னிரு கையோடு (வேலன் துணை )

சந்தனம் மணம் வீசும் ஷண்முக நதி உண்டு
சான்றோர்கள் நீராடும் சரவணப் பொய்கை உண்டு
சுந்தர வடிவேலன் சிங்கார மயில் ஏறி
அன்பர்கள் குறை தீர்க்க அருள் என்னும் பொருள் தந்து (வேலன் துணை )


வேற்காடு வாழ்ந்திருக்கும் தேவி கருமாரியம்மா
சந்ததமும் உந்தன் பாதம் பணிந்தோமம்மா

அண்டபகி ரண்டமெல்லாம் ஆண்டுவரும் சக்தி நீயே
அங்கமெல்லாம் கூசிடுதே அருட்ஜோதி வீசிடுதே
ஆதாரப் பெருக்குநீ ஆத்திரத்தைக் காத்திடுவாய்
அன்போடு வருவோர்க்கு அபயமே தந்திடுவாய்

ஓங்கார மானவளே உத்தமியே பத்தினியே
உன்னை வணங்குகின்றோம் உலகத்து நாயகியே
சிங்காரப் பொட்டழகி செந்தூரப் பொட்டழகி
சீரான ஆபரண அலங்காரப் பெட்டகமே

ஆத்தங்கரை ஓரத்திலே வேப்பமர நிழலிலே
காத்திருக்கும் காத்தாயி கண்பாரு மாரியம்மா
எத்தனையோ பேருனக்கு எடுத்துச் சொல்லலாகாது
எங்களைக் காத்திடுவாய் என்றும் துணைநீ யிருப்பாய்

ஆயிமகமாயி பத்ரகாளி உமையவளே
ஆயிரம் கண்ணுடையாய் ஆதாரம்நீ யிருப்பாய்
சமயபுரத்தாளே சங்கரி ஆத்தாளே
சந்ததமும் உந்தன் பாதம் பணிந்தோமம்மா


14. சரணம் சரணம் சரணம் சரணம் சரணம் ஐயப்பா ஸ்வாமி
சரணம் சரணம் சரணம் சரணம் மாமலைவாசா மாமலைவாசா

தாயும் நீயே தந்தையும் நீயே சரணம் ஐயப்பா
எங்கள் குல தெய்வம் நீயே மாமலைவாசா
பூதநாதா விபூதிநாதா சரணம் ஐயப்பா
எங்களையும் காத்தருள்வாய் மாமலைவாசா

கலியுக வரதனேநீ சரணம் ஐயப்பா
காருண்ய ரூபணேநீ மாமலைவாசா
கற்பூர ஜோதியேநீ சரணம் ஐயப்பா
காந்தமலை ஜோதியேநீ மாமலைவாசா

ஏறாத மலைகளெல்லாம் சரணம் ஐயப்பா
எங்களையும் ஏறவைத்தாய் சரணம் ஐயப்பா
படிபதினெட்டு ஏறிவந்தோம் சரணம் ஐயப்பா
உன் திருவடி காணவந்தோம் மாமலைவாசா


15. சரணம் சரணம் ஜகதாம்பா
சரணம் தருவாள் ஓம்காரி
சோட்டாணிக்கரையில் நின்றிடுவாள்
சொல்லிய குறைகளைத் தீர்த்திடுவாள்
மதுரையில் வாழ்ந்திடும் மீனாட்சி
மனக்குறை எல்லாம் தீர்த்திடுவாள்
அங்கயற்கன்னி என்பவளாம்
அடியார் சக்தியைக் கொண்டவளாம்

நெல்லையிலே அவள் காந்திமதி
தில்லையிலே அவள் சிவகாமி
காஞ்சியில் வாழ்ந்திடும் காமாட்சி
காசியில் வாழும் விசாலாட்சி
திருக்கடையூரில் அபிராமி
திருவேற்காட்டில் கருமாரி
அழைத்ததும் ஓடி வந்திடுவாள்
அல்லலை எல்லாம் போக்கிடுவாள்

சமரச குணத்தைக் கொண்டவளாம்
சமத்துவ நீதியை சொல்பவளாம்
சமயபுரத்து மகமாயி
தக்கசமயத்தில் வந்திடுவாள்
தேவி மஹாத்ம்யம் சொல்பவர்க்கு
தெய்வங்கள் அனைத்தும் அருள் தருமாம்
தேவி ராஜேச்வரி யுமாவாள் - அவள்
தெய்வீக சக்தியை யாரறிவார்
குங்கும மஹிமையைத் தந்தவளாம்
கங்கண பூஜித ரஞ்சனியாம்
மங்கள கௌரி என்பவளாம்
மங்காத ஒளியாய் இருந்திடுவாள்



16. தணிகைமலை பெருந்துரையே வா வா வா
தயாநிதியே தர்மதுரையே வா வா வா
அடியவர்க்கு அருளும் அரசே வா வா வா
ஆலமுண்டோன் பாலகனே வா வா வா
பிறவிப்பிணியை தீர்க்கும் மருந்தே வா வா வா
ஆறுமுக கருணைக் கோவே வா வா வா
என் ஆவிபிரியும் சமயம் முன்னே வா வா வா
பாவி என்னை மறந்திடாதே வா வா வா

வேல் பிடிக்கும் செஞ்சுடரே வா வா வா
வேல் எடுத்து வினையைத் தீர்க்க வா வா வா
என் மரண பயம் தீர்க்க நீயும் வா வா வா
மயிலும் ஆடி நீயும் ஆடி வா வா வா
திருத்தணிகைமலை, ஸ்வாமிமலை, பழனிமலை,
சோலைமலை, பெருந்துரையே வா வா வா
தயாநிதியே தர்மதுரையே வா வா வா


சங்கைதா னொன்றுதா னின்றியே நெஞ்சிலே
சஞ்சலா ...... ரம்பமாயன்
சந்தொடே குங்குமா லங்க்ருதா டம்பரா
சம்ப்ரமா ...... நந்தமாயன்

மங்கைமார் கொங்கைசே ரங்கமோ கங்களால்
வம்பிலே ...... துன்புறாமே
வண்குகா நின்சொரூ பம்ப்ரகா சங்கொடே
வந்துநீ ...... யன்பிலாள்வாய்

கங்கைசூ டும்பிரான் மைந்தனே அந்தனே
கந்தனே ...... விஞ்சையூரா
கம்பியா திந்த்ரலோ கங்கள்கா வென்றவா
கண்டலே ...... சன்சொல்வீரா

செங்கைவேல் வென்றிவேல் கொண்டுசூர் பொன்றவே
சென்றுமோ ...... தும்ப்ரதாபா
செங்கண்மால் பங்கஜா னன்தொழா நந்தவேள்
செந்தில்வாழ் ...... தம்பிரானே.


17. வெற்றிவேல் முருகனுக்கு ஹரோஹரா
வள்ளி மணவாளனுக்கு ஹரோஹரா

வேலவா வடிவேலவா
வேடனாக வந்து நின்ற வேலவா
ஓடிவா அன்பரை நாடிவா
ஆண்டியாக வந்து நின்ற ஆண்டவா (வேலவா)

சின்னஞ்சிறு பாதம் எடுத்து ஆடிவா ஆடிவா
சிங்கார வேலுடனே ஓடிவா ஓடிவா
சிந்தையிலே நினைப்பவரை நாடிவா - உன்னை
சின்னஞ்சிறு சிவக்குமரா ஓடிவா (வேலவா)

முத்தே ரத்தினமே முருகையா
முழுமதி முகத்தவனே கந்தையா
முத்தகனே வினை தீர்க்கும் வேலய்யா,
வடி வேலய்யா, உன் கையில் வேலய்யா
அந்த வெள்ளிமலை நாதன் பெற்ற சின்னையா (வேலவா)


18. விடமடைசு வேலை அமரர்படை சூலம்
விசையன்விடு பாண மெனவேதான்
விழியுமதி பார விதமுமுடை மாதர்
வினையின்விளை வேதும் அறியாதே
கடியுலவு பாயல் பகலிரவெ னாது
கலவிதனில் மூழ்கி வறிதாய
கயவனறி வீனன் இவனுமுயர் நீடு
கழலிணைகள் சேர அருள்வாயே
இடையர்சிறு பாலை திருடிகொடு போக
இறைவன்மகள் வாய்மை அறியாதே
இதயமிக வாடி யுடையபிளை நாத
கணபதியெ னாம முறைகூற
அடையலவர் ஆவி வெருவஅடி கூர
அசலுமறி யாமல் அவரோட
அகல்வதென டாசொல் எனவுமுடி சாட
அறிவருளும் ஆனை முகவோனே

பிள்ளையார் பிள்ளையார் பெருமை வாய்ந்த பிள்ளையார்
ஆற்றங்கரை மீதிலே அரசமர நிழலிலே
வீற்றிருக்கும் பிள்ளையார் வினைகள் தீர்க்கும் பிள்ளையார்

யானைமுகம் கொண்டவர் ஐந்துகரங்கள் உடையவர்
பானைவயிறு படைத்தவர் பக்தர் குறையைத் தீர்ப்பவர்
மஞ்சளிலே செய்யினும் மண்ணினாலே செய்யினும்
ஐந்தெழுத்து மந்திரத்தை நெஞ்சில் நாட்டும் பிள்ளையார்
ஓம் நம: சிவாய எனும் மந்திரத்தை நெஞ்சில் நாட்டும் பிள்ளையார்

ஆறுமுக வேலனுக்கு அண்ணனான பிள்ளையார்
நேரும் துன்பம் யாவையும் நீக்கி வைக்கும் பிள்ளையார்

கலியுகத்தின் விந்தையைக் காணவேண்டி அனுதினம்
எலியின்மீது ஏறியே இஷ்டம்போல சுற்றுவார்
ஜயகணேச ஜயகணேச ஜயகணேச பாஹிமாம்
ஸ்ரீகணேச ஸ்ரீகணேச ஸ்ரீகணேச ரக்ஷமாம்



19. என் அப்பனே என் ஐயனே
கந்தப்பனே கந்தக் காருண்யனே
பன்னிருகை வேலவனே கன்னிவள்ளி மணவாளனே
வேல் வேல் வேல் வேல் வேல்முருகா வேல் வேல்
வேல்முருகா மாப்பழனி வேல் முருகா வேல் வேல்

பார்வதியாள் பாலகனே பக்தர்களுக்கு அனுகூலனே
வேல் வேல் வேல் வேல் வேல்முருகா வேல் வேல்
வேல்முருகா மாப்பழனி வேல் முருகா வேல் வேல்

எட்டுக்குடி வேலவனே சுட்டப் பழம் தந்தவனே - ஔவைக்கு
வேல் வேல் வேல் வேல் வேல்முருகா வேல் வேல்
வேல்முருகா மாப்பழனி வேல் முருகா வேல் வேல்

கால்களில் பொற்சிலம்பு - முருகன் கைகளில் பொற்சதங்கை
கல் கல் கல் என வருவான்


20. உள்ளத்திலே கோயில் கட்டி உன்னை அங்கு குடிவைத்தேன்
எண்ணத்திலே தொட்டில் கட்டி என்னரசே தாலாட்டினேன் (உள்ளத்திலே)

கள்ளமில்லாத பிள்ளையப்பா கருணையுள்ள தெய்வமப்பா
வாழ்வுதரும் கந்தப்பா வந்தருள்வாய் வேலப்பா (உள்ளத்திலே)

உன்புகழைப் பாடிவந்தேன் உனதருளை நாடி நின்றேன்
ஓம்கார குருவே வா வா உயர் ஞான குருவே வா வா (உள்ளத்திலே)

தத்திமிதோம் என்று ஆடிவரும் வீரவேல்
தஞ்சமென்றோர்க்கருள் தருமமிகு சக்திவேல்
தகதகிட தகதகிட என்றாடும் வெற்றிவேல்
தயவுடன் அன்பர்க்கு அருள்தரும் ஞானவேல்
தஜ்ஜதம் தகிடஜம் என்றாடும் வைரவேல்
தத்துவப் புகழ்பாடும் ஷண்முகன் கைவேல்
வெற்றிவேல் வீரவேல் சக்திவேல் ஷண்முகன் கைவேல்

21. தென்பழனி தேவனடி கண்ணம்மா - முருகன்
தேவர்களின் தலைவனடி கண்ணம்மா

பொங்கல் வைத்துப் பூசையிட்டு
புதுமலரால் மாலையிட்டு
வாராயோ என்றழைத்தால் கண்ணம்மா - முருகன்
மாறாமல் வந்து நிற்பான் கண்ணம்மா

காவடிகள் ஆடிவரும் - கந்தன்
திருப்புகழைப் பாடிவரும்
வேலாடும் வண்ண மயிலாடும்
வேலன் கால் சிலம்பு தானாடும்
அலையாடும் தமிழ்க் கவிபாடும்
ஆறுமுகன் அன்புமனம் கூத்தாடும்
நெற்றியிலே நீறிருக்கும்
நெஞ்சில் அடியார்கள் நினைவிருக்கும்


22. ஸ்வாமியே சரணம் ஐயா - தர்ம
சாஸ்தாவே சரணம் ஐயா
அனுதினம் பூஜை செய்தோம் - உனக்கு
அனந்தகோடி நமஸ்காரம்

வன்புலியின் மீதினிலே - ஏறி
வீரமணிகண்டனே வா
வீரவிளையாடல்களை பாட
வாணி தடை கூறவில்லை

கொஞ்சிக் கொஞ்சிப் பேசி உந்தன்
பிஞ்சு மொழி கேட்டிடவே
அந்தப் பந்தளத்தோர் செய்த தவம்
இந்தப் பாமரன் நான் செய்யவில்லையா

பாலெடுக்கப் புலி எதற்கோ - உன்
பார்வையின் பால் சக்தியற்றதோ
உன் பார்வை ஒன்றே போதுமையா
எங்கள் மேல் பால் பொழிய வேண்டுமையா

வில்லும் அம்பும் கையில் எதற்கோ - அந்த
வாவரை நீ வெற்றி கொல்லவா
பக்தர் வினைகளின் துயர்களையே
வேட்டையாடி விரட்டிடவோ

காந்தமலை ஜோதி எங்களை
காந்தமின்றி இழுக்குதப்பா
அதை காமக்கோடி நாதன் உருவில்
காண அருள் வேண்டுமையா

23. பால் மணக்குது பழம் மணக்குது பழனி மலையிலே
பாரைச் சுற்றி முருக நாமம் எங்கும் ஒலிக்குதாம்
பழனி மலையைச் சுற்றி முருக நாமம் எங்கும் ஒலிக்குதாம்
முருகா உன்னைத் தேடித்தேடி எங்கும் காணேனே - அப்பப்பா
எங்கும் தேடி உன்னைக் காணா மனமும் வாடுதே
முருகா உன்னைத் தேடித்தேடி எங்கும் காணேனே

தேன் இருக்குது தினை இருக்குது தென் பழனியிலே
தெருவைச் சுற்றிக் காவடி ஆட்டம் தினமும் நடக்குதாம்
பால் காவடி பன்னீர்க் காவடி புஷ்பக் காவடியாம்
சக்கரக் காவடி சந்தனக் காவடி சேவற் காவடியாம்
சர்ப்பக் காவடி மச்சக்காவடி புஷ்பக்காவடியாம்
மலையைச் சுற்றிக் காவடியாட்டம் தினமும் நடக்குதாம்

வேலனுக்கு ஹரோஹரா
முருகனுக்கு ஹரோஹரா
கந்தனுக்கு ஹரோஹரா
அதோ வராண்டி பழனி ஆறுமுகன் தான்டி
அவன் போனா போறான்டி முருகன் தானா வாரான்டி

வேல் இருக்குது மயில் இருக்குது வ்ராலிமலையிலே
மலையைச் சுற்றிக் காவடியாட்டம் தினமும் நடக்குதாம் - வ்ராலி
முருகா உன்னைத் தேடித்தேடி எங்கும் காணேனே

24. யானைமுகன் சோதரனே சரணமே ஐயப்பா
ஆறுமுகன் தம்பியேநீ சரணமே ஐயப்பா
ஹரிஹரனார் புத்திரனே சரணமே ஐயப்பா
சாமி சரணம் ஐயன் சரணம் சரணமே ஐயப்பா

கண்ணழகு கொண்டவனே சரணமே ஐயப்பா
கர்மவினை தீர்க்க வேண்டும் சரணமே ஐயப்பா
நீலவண்ண கட்டழகா சரணமே ஐயப்பா
சாமி சரணம் ஐயன் சரணம் சரணமே ஐயப்பா

முடிவளர்த்தோம் தீக்ஷை கொண்டோம் சரணமே ஐயப்பா
இருமுடிகள் சுமந்துவந்தோம் சரணமே ஐயப்பா
சபரிமலை வாசனே சரணமே ஐயப்பா
சாமி சரணம் ஐயன் சரணம் சரணமே ஐயப்பா

ஆறுவாரம் நோன்பிருந்தோம் சரணமே ஐயப்பா
ஆறு மலை தாண்டிவந்தோம் சரணமே ஐயப்பா
கல்லும் முள்ளும் கடந்து வந்தோம் சரணமே ஐயப்பா
சாமி சரணம் ஐயன் சரணம் சரணமே ஐயப்பா

எரிமேலி வந்தடைந்தோம் சரணமே ஐயப்பா
வாவரைத் தொழுதுநின்றோம் சரணமே ஐயப்பா
திந்திமித்திப் பாடிவந்தோம் சரணமே ஐயப்பா
சாமி சரணம் ஐயன் சரணம் சரணமே ஐயப்பா

துளசிமணி மார்பழகா சரணமே ஐயப்பா
துன்பமெல்லாம் தீர்க்க வேண்டும் சரணமே ஐயப்பா
ஆறுவாரம் நோன்பிருந்தோம் சரணமே ஐயப்பா
முப்போதும் பூஜைசெய்தோம் சரணமே ஐயப்பா

நீலிமலை ஏறிவந்தோம் சரணமே ஐயப்பா
சரங்குத்தி எடுத்துவந்தோம் சரணமே ஐயப்பா
அப்பாச்சிமேடு ஏறிவந்தோம் சரணமே ஐயப்பா
சாமி சரணம் ஐயன் சரணம் சரணமே ஐயப்பா

how to know my mobile model

if it is nokia model, type *#0000#. You will know the model.
- type *#06#. This will display the IMEI (International Mobile Equipment Identity) number, 15 digits, used to trace the set when its lost.
- Nokia phone alarm works even when the phone is switched off.

what is 10th month?

Sir: 1st month january, 2nd month february, 3rd month march., what is 10th month?
Student: Delivery Sir

புரசை அருணகிரி பாடல்கள் - 7

1. பூழியர்கோன் வெப்பொழித்த புகலியர்கோன் கழல் போற்றி!
ஆழிமிசைக் கல்மிதப்பில் அணைந்த பிரான் அடிபோற்றி!
வாழிதிரு நாவலூர் வன்தொண்டர் பதம் போற்றி!
ஊழிமலி திருவாத வூரர் திருத்தாள் போற்றி!

2. பிடியதன் உரு உமை கொள மிகு கரியது
வழி கொடு தனதடி வழிபடும் அவரிடர்
கடிகணபதி வர அருளினன் மிகு கொடை
வடிவினர் பயில் வலி வலம் உறை இறையே

3. என்ன புண்ணியம் செய்தனை---நெஞ்சமே! இருங்கடல் வையத்து,
முன்னம் நீ புரி நல்வினைப் பயன்இடை, முழுமணித்தரளங்கள்
மன்னு காவிரி சூழ் திரு வலஞ்சுழிவாணனை, வாய் ஆரப்
பன்னி, ஆதரித்து ஏத்தியும் பாடியும், வழிபடும்அதனாலே.

4. கல்லூர்ப் பெருமணம் வேண்டா கழுமலம்
பல்லூர்ப் பெருமணம் பாட்டுமெய் யாய்த்தில
சொல்லூர்ப் பெருமணம் சூடல ரேதொண்டர்
நல்லூர்ப் பெருமண மேயநம் பானே.

நறும்பொழிற் காழியுண் ஞானசம் பந்தன்
பெறும்பத நல்லூர்ப் பெருமணத் தானை
உறும்பொரு ளாற்சொன்ன வொண்டமிழ் வல்லார்க்
கறும்பழி பாவ மவல மிலரே.

5. படைக்கல மாகவுன் னாமத் தெழுத்தஞ்சென் நாவிற்கொண்டேன்
இடைக்கல மல்லே னெழுபிறப் பும்முனக் காட்செய்கின்றேன்
துடைக்கினும் போகேன் றொழுது வணங்கித் தூநீறணிந்துன்
அடைக்கலங் கண்டா யணிதில்லைச் சிற்றம் பலத்தரனே

6. நமச்சிவாயவே ஞானமுங் கல்வியும்
நமச்சிவாயவே நானறி விச்சையும்
நமச்சிவாயவே நாநவின் றேத்துமே
நமச்சிவாயவே நன்னெறி காட்டுமே

விறகிற் றீயினன் பாலிற் படுநெய்போல்
மறைய நின்றுளன் மாமணிச் சோதியான்
உறவு கோல்நட் டுணர்வு கயிற்றினால்
முறுக வாங்கிக் கடையமுன் நிற்குமே

7. பண்ணின் இசையாகி நின்றாய் போற்றி
பாவிப்பார் பாவம் அறுப்பாய் போற்றி
எண்ணும் எழுத்தும் சொல் ஆனாய் போற்றி
என் சிந்தை நீங்கா இறைவா போற்றி
விண்ணும் நிலனும் நீ ஆனாய் போற்றி
மேலவர்க்கும் மேலாகி நின்றாய் போற்றி
கண்ணின் மணியாகி நின்றாய் போற்றி
கயிலை மலையானே போற்றி போற்றி

8. அந்தியும் நண்பகலும் அஞ்சுபதம் சொல்லி,
முந்தி எழும் பழைய வலிவினை மூடாமுன்,
சிந்தை பராமரியா தென்திருஆரூர் புக்கு,
எந்தைபிரானாரை என்றுகொல் எய்துவதே?

9. அம்மையே அப்பா ஒப்பிலா மணியே
அன்பினில் விளைந்தஆ ரமுதே
பொய்ம்மையே பெருக்கிப் பொழுதினைச் சுருக்கும்
புழுத்தலைப் புலையனேன் றனக்குச்
செம்மையே ஆய சிவபதம் அளித்த
செல்வமே சிவபெரு மானே
இம்மையே உன்னைச் சிக்கெனப் பிடித்தேன்
எங்கெழுந் தருளுவ தினியே.

10. கற்றவர் விழுங்கும் கற்பகக் கனியைக்
கரையிலாக் கருணைமா கடலை
மற்றவர் அறியா மாணிக்க மலையை
மதிப்பவர் மனமணி விளக்கைச்
செற்றவர் புரங்கள் செற்றஎம் சிவனைத்
திருவீழி மிழலைவீற் றிருந்த
கொற்றவன் றன்னைக் கண்டுகண் டுள்ளம்
குளிரஎன் கண்குளிர்ந் தனவே.

11. மிண்டு மனத்தவர் போமின்கள்
மெய்யடியார்கள் விரைந்து வம்மின்
கொண்டும் கொடுத்தும் குடிகுடி யீசற்காட்
செய்மின் குழாம்புகுந்
தண்டங்கடந்த பொருள்அள வில்லதோர்
ஆனந்த வெள்ளப்பொருள்
பண்டும் இன்றும் என்றும் உள்ளபொருள் என்றே பல்லாண்டு கூறுதுமே.

12. சிவசிவ என்கிலர் தீவினை யாளர்
சிவசிவ என்றிடத் தீவினை மாளும்
சிவசிவ என்றிடத் தேவரு மாவர்
சிவசிவ என்னச் சிவகதி தானே

13. பிறந்து மொழிபயின்ற பின்னெல்லாம் காதல்
சிறந்துநின் சேவடியே சேர்ந்தேன் - நிறந்திகழும்
மைஞ்ஞான்ற கண்டத்து வானோர் பெருமானே
எஞ்ஞான்று தீர்ப்பது இடர்.

14. உலகெலாம் உணர்ந்து ஓதற்கு அரியவன்
நிலவு உலாவிய நீர்மலி வேணியன்
அலகில் சோதியன் அம்பலத்து ஆடுவான்
மலர் சிலம்படி வாழ்த்தி வணங்குவாம்

என்றும் இன்பம் பெருகும் இயல்பினால்
ஒன்று காதலித்து உள்ளமும் ஓங்கிட
மன்று ளார்அடி யாரவர் வான்புகழ்
நின்றது எங்கும் நிலவி உலகெலாம்.

புரசை அருணகிரி பாடல்கள் - 6

1. எல்லாம் செயல்கூடும் என்னாணை அம்பலத்தே
எல்லாம்வல் லான்தனையே யேத்து ( 3267 )
முன்னவனே யானை முகத்தவனே முத்தி்நலம்
சொன்னவனே தூய்மெய்ச் சுகத்தவனே – என்னவனே
சிற்பரனே, ஐங்கரனே செஞ்சடையஞ் சேகரனே
தற்பரனே நின்தாள் சரண்.( 1966 )
கலைநிறை கணபதி சரணஞ் சரணம்
கஜமுக குணபதி சரணஞ் சரணம்
தலைவநின் இணையடி சரணஞ் சரணம்
சரவண பவகுக சரணஞ் சரணம்
சிலைமலை யுடையவ சரணஞ் சரணம்
சிவசிவ சிவசிவ சரணஞ் சரணம்
உலைவறும் ஒருபரை சரணஞ் சரணம்
உமைசிவை அம்பிகை சரணஞ் சரணம் ( 2563 )

2. பெற்ற தாய்தனை மகமறந் தாலும்
பிள்ளை யைப்பெறும் தாய்மறந் தாலும்
உற்ற தேகத்தை உயிர்மறந் தாலும்
உயிரை மேவிய உடல்மறந் தாலும்
கற்ற நெஞ்சகம் கலைமறந் தாலும்
கண்கள் நின்றிமைப் பதுமறந் தாலும்
நற்ற வத்தவர் உள்ளிருந் தோங்கும்
நமச்சி வாயத்தை நான்மற வேனே ( 820 )

3. தடித்தஓர் மகனைத் தந்தைஈண் டடித்தால்
தாயுடன் அணைப்பள்தாய் அடித்தால்
பிடித்தொரு தந்தை அணைப்பன்இங் கெனக்குப்
பேசிய தந்தையும் தாயும்
பொடித்திரு மேனி அம்பலத் தாடும்
புனிதநீ ஆதலால் என்னை
அடித்தது போதும் அணைத்திடல் வேண்டும்
அம்மைஅப் பாஇனி ஆற்றேன் ( 3386 )
அம்பலத் தரசே அருமருந் தே
ஆனந்தத் தேனே அருள்விருந் தே
பொதுநடத் தரசே புண்ணிய னே
புலவரெ லாம்புகழ் கண்ணிய னே
மலைதரு மகளே மடமயி லே
மதிமுக அமுதே இளங்குயி லே
ஆனந்தக் கொடியே இளம்பிடி யே
அற்புதத் தேனே மலைமா னே ( 5066 - 5069 )
அருட்பெருஞ்சோதியைக் கண்டே னே
ஆனந்தத் தெள்ளமு துண்டே னே ( 5115 )
இருட்பெரு மாயையை விண்டே னே
எல்லாம்செய் சித்தியைக் கொண்டே னே ( 5116 )

4. அத்தாநான் வேண்டுதல்கேட் டருள்புரிதல் வேண்டும்
அருட்பெருஞ்சோ தியைப்பெற்றே அகங்களித்தல் வேண்டும்
செத்தாரை மீட்டும்இங்கே எழுப்பியிடல் வேண்டும்
திருச்சபைக்கே அடிமைகளாச் செய்வித்தல் வேண்டும்
ஒத்தாரும் உயர்ந்தாரும் தாழ்ந்தாரும் எவரும்
ஒருமைஉளர் ஆகிஉல கியல்நடத்தல் வேண்டும்
எத்தாலும் அழியாத வடிவதிலே நானும்
எந்தாயும் ஒன்றாக இனிதுறல்வேண் டுவனே ( 4082 )

5. அருட்சோதித் தெய்வம்எனை ஆண்டுகொண்ட தெய்வம்
அம்பலத்தே ஆடுகின்ற ஆனந்தத் தெய்வம்
பொருட்சாரும் மறைகளெலாம் போற்றுகின்ற தெய்வம்
போதாந்தத் தெய்வம்உயர் நாதாந்தத் தெய்வம்
இருட்பாடு நீக்கிஒளி ஈந்தருளுந் தெய்வம்
எண்ணியநான் எண்ணியவா றெனக்கருளுந் தெய்வம்
தெருப்பாடல் உவந்தெனையும் சிவமாக்கும் தெய்வம்
சிற்சபையில் விளங்குகின்ற தெய்வமதே தெய்வம் ( 3904 )

6. தாயாகித் தந்தையுமாய்த் தாங்குகின்ற தெய்வம்
தன்னைநிகர் இல்லாத தனித்தலைமைத் தெய்வம்
வாயார வாழ்த்துகின்றோர் மனத்தமர்ந்த தெய்வம்
மலரடிஎன் சென்னிமிசை வைத்தபெருந் தெய்வம்
காயாது கனியாகிக் கலந்தினிக்குந் தெய்வம்
கருணைநிதித் தெய்வம்முற்றுங் காட்டுவிக்குந் தெய்வம்
சேயாக எனைவளர்க்குந் தெய்வமகா தெய்வம்
சிற்சபையில் ஆடுகின்ற தெய்வமதே தெய்வம் ( 3906 )

7. கல்லார்க்கும் கற்றவர்க்கும் களிப்பருளும் களிப்பே
காணார்க்கும் கண்டவர்க்கும் கண்ணளிக்கும் கண்ணே
வல்லார்க்கும் மாட்டார்க்கும் வரமளிக்கும் வரமே
மதியார்க்கும் மதிப்பவர்க்கும் மதிகொடுக்கும் மதியே
நல்லார்க்கும் பொல்லார்க்கும் நடுநின்ற நடுவே
நரர்களுக்கும் சுரர்களுக்கும் நலங்கொடுக்கும் நலமே
எல்லார்க்கும் பொதுவில்நடம் இடுகின்ற சிவமே
என்அரசே யான்புகலும் இசையும்அணிந் தருளே ( 4128 )
ஆடிய பாதமன் றாடிய பாதம்
ஆடிய பாதநின் றாடிய பாதம் ( 4320 )
பாடிய வேதங்கள் தேடிய பாதம்
பத்திசெய் பத்தர்க்குத் தித்திக்கும் பாதம்
நாடிய மாதவர் தேடிய பாதம்
நாதாந்த நாட்டுக்கு நாயக பாதம் ஆடிய ( 4321 )

8. ஈஎன்று நான்ஒருவர் இடம்நின்று கேளாத
இயல்பும்என் னிடம்ஒருவர்ஈ
திடுஎன்ற போதவர்க் கிலைஎன்று சொல்லாமல்
இடுகின்ற திறமும்இறையாம்
நீஎன்றும் எனைவிடா நிலையும்நான் என்றும்உள
நினைவிடா நெறியும்அயலார்
நிதிஒன்றும் நயவாத மனமும்மெய்ந் நிலைநின்று
நெகிழாத திடமும்உலகில்
சீஎன்று பேய்என்று நாய்என்று பிறர் தமைத்
தீங்குசொல் லாததெளிவும்
திரம்ஒன்று வாய்மையும் தூய்மையும் தந்துநின்
திருவடிக் காளாக்குவாய்
தாய்ஒன்று சென்னையில் கந்தகோட் டத்துள்வளர்
தலம்ஓங்கு கந்தவேளே
தண்முகத் துய்யமணி உண்முகச் சைவமணி
சண்முகத் தெய்வமணியே ( 9 )
அருளார் அமுதே சரணம் சரணம்
அழகா அமலா சரணம் சரணம்
பொருளா எனைஆள் புனிதா சரணம்
பொன்னே மணியே சரணம் சரணம்
மருள்வார்க் கரியாய் சரணம் சரணம்
மயில்வா கனனே சரணம் சரணம்
கருணா லயனே சரணம் சரணம்
கந்தா சரணம் சரணம் சரணம் ( 32 )
முடியா முதலே சரணம் சரணம்
முருகா குமரா சரணம் சரணம்
வடிவேல் அரசே சரணம் சரணம்
மயிலூர் மணியே சரணம் சரணம்
அடியார்க் கெளியாய் சரணம் சரணம்
அரியாய் பெரியாய் சரணம் சரணம்
கடியாக் கதியே சரணம் சரணம்
கந்தா சரணம் சரணம் சரணம் ( 34 )

9. அருட்பெருஞ் ஜோதி யருட்பெருஞ் சோதி
அருட்பெருஞ் ஜோதி யருட்பெருஞ் ஜோதி
அருட்சிவ நெறிசா ரருட்பெரு நிலைவாழ்
அருட்சிவ பதியா மருட்பெருஞ் ஜோதி ( 4615 )
ஜோதி ஜோதி ஜோதி சுயஞ்
ஜோதி ஜோதி ஜோதி பரஞ்
ஜோதி ஜோதி ஜோதி யருட்
ஜோதி ஜோதி ஜோதி சிவம் ( 5255 )

புரசை அருணகிரி பாடல்கள் - 5

1. எங்கெங்கு காணினும் காவடிகள்
என்றும் புகழ்ந்திடும் சேவடிகள்
கந்தனின் கோவிலில் காவடிகள்
என்றும் வந்தனை செய்திடும் பூவடிகள்
ஆனைமுகன் தம்பி காவடிகள்
மன ஆறுதல் தந்திடும் காவடிகள்
ஆறு படை வீட்டில் காவடிகள்
அன்பர் அன்புடன் தந்திடும் காவடிகள்
பால் பழம் விபூதி காவடிகள்
ஞான பாலகன் முருகன் காவடிகள்
சந்தனம் பன்னீர் காவடிகள்
உயர் செந்தமிழ் பாடிடும் காவடிகள்
தைப்பூசத் திருநாள் காவடிகள்
பல புண்ணியம் சேர்த்திடும் காவடிகள்
ஆடிக் கிருத்திகை காவடிகள்
எங்கும் ஆடிஆடி வரும் காவடிகள்

2. காவடியாட்டம் காணக்கண்கள் கோடி வேண்டுமே
கந்தன் அருளை தினமும் நாமும் நாட வேண்டுமே
நலமே தந்திடும் திருப்புகழ் தினமும் பாட வேண்டுமே
நம்மைத் தொடரும் தீவினையெல்லாம் ஓட வேண்டுமே
பாலில் காவடி எடுக்க நமது பாவம் போகுது
பலப் பழத்தால் காவடி எடுக்க நமக்கு பண்பு வளருது
ஆயிரம் காவடி கண்டதும் மனத்தில் அன்பு பெருகுது
அன்புடன் கந்தன் அடியைப் பணிந்தால் அருளும் சுரக்குது.
உலகில் என்றும் உயர்வை நமக்கு உணர்த்தும் காவடி
உயர்வுடன் அழைத்து நமக்கு காட்டும் முருகன் சேவடி
அது மணணில் அறமே தழைக்க வந்த மருகன் பூவடி
நம் கண்ணில் ஒளியாய் காட்சியைத் தருமே கந்தன் திருவடி

3. ஆடிஆடி வருகுது கந்தன் காவடி- எங்கும்
ஹரோஹரா எனச்சொல்லும் அழகுக் காவடி
அன்பர்களின் தோள்களிலே அரிய காவடி - நல்ல
ஆடிமாத கிருத்திகையில் ஆடும் காவடி
பாலனவன் சிறுவனுக்குப் பாலில் காவடி - ஞானப்
பழமான தெய்வத்திற்குப் பழத்தில் காவடி
பூமியெங்கும் புகழைப்பாடும் புஷ்பக் காவடி
மாலின்மருகன் முருகனுக்கு மச்சக் காவடி
கந்தன்புகழில் கனிந்துருகும் சந்தனக் காவடி
எந்தைமுருகன் எழிலைக் காணும் எளியக் காவடி
பாடம்சொன்ன முருகனுக்குப் பன்னீர்க் காவடி
பார்க்கப்பார்க்கத் திகட்டாது பழனிக் காவடி

4. காவடி எடுத்து ஆடிடுவோம் - நம்
கந்தனை எண்ணியே பாடிடுவோம்
வந்தனை செய்தே வாழ்ந்திடுவோம் - வெற்றி
வடிவேல் முருகனைத் துதித்திடுவோம்
பழனியில் முருகனைப் பார்த்திடுவோம் - சுவைப்
பழத்தால் காவடி சேர்த்திடுவோம்
செந்தில் வேலவன் சன்னதியில் உயர்
சேவல் கொடியினை வணங்கிடுவோம்
தணிகை மலைப்படி ஏறிடுவோம் - தீந்
தமிழில் திருப்புகழ் கூறிடுவோம்
வேலுடன் காவடி செலுத்திடுவோம் - வடி
வேலவன் திருவடி பணிந்திடுவோம்
மாலின் மருகனை நினைந்திடுவோம்
முருகனைத் துதித்து உயர்ந்திடுவோம்
வள்ளி மணாளனைப் புகழ்ந்திடுவோம் - நாம்
வாழ்வினில் என்றும் சிறந்திடுவோம்

5. தெய்வத் திருமலைச் செங்கோட்டில் வாழுஞ் செழுஞ்சுடரே
வைவைத்த வேற்படை வானவனே மறவேனுனை நான்
ஐவர்க் கிடம்பெறக் காலிரண் டோட்டி அதிலிரண்டு
கைவைத்த வீடு குலையுமுன்னே வந்து காத்தருளே

கரிய பெரிய எருமை கடவு
கடிய கொடிய திரிசூலன்
கறுவி யிறுகு கயிறொ டுயிர்கள்
கழிய முடுகி யெழுகாலந்
திரியு நரியு மெரியு முரிமை
தெரிய விரவி யணுகாதே
செறிவு மறிவு முறவு மனைய
திகழு மடிகள் தரவேணும்
பரிய வரையி னரிவை மருவு
பரம ரருளு முருகோனே
பழன முழவர் கொழுவி லெழுது
பழைய பழநி யமர்வோனே
அரியு மயனும் வெருவ வுருவ
அரிய கிரியை யெறிவோனே
அயிலு மயிலு மறமு நிறமும்
அழகு முடைய பெருமாளே

6. ஐங்கரனை யொத்தமன மைம்புலம கற்றிவள
ரந்திபக லற்றநினை வருள்வாயே
அம்புவித னக்குள்வளர் செந்தமிழ்வ ழுத்தியுனை
அன்பொடுது திக்கமன மருள்வாயே
தங்கியத வத்துணர்வு தந்தடிமை முத்திபெற
சந்திரவெ ளிக்குவழி யருள்வாயே
தண்டிகைக னப்பவுசு எண்டிசைம திக்கவளர்
சம்ப்ரமவி தத்துடனெ யருள்வாயே
மங்கையர்சு கத்தைவெகு இங்கிதமெ னுற்றமன
முன்றனைநி னைத்தமைய அருள்வாயே
மண்டலிக ரப்பகலும் வந்தசுப ரட்சைபுரி
வந்தணைய புத்தியினை யருள்வாயே
கொங்கிலுயிர் பெற்றுவளர் தென்கரையி லப்பரருள்
கொண்டுஉட லுற்றபொரு ளருள்வாயே
குஞ்சரமு கற்கிளைய கந்தனென வெற்றிபெறு
கொங்கணகி ரிக்குள்வளர் பெருமாளே

7. அகரமுத லெனவுரைசெய் ஐம்பந்தொ ரக்ஷரமும்
அகிலகலை களும்வெகுவி தங்கொண்ட தத்துவமும்
அபரிமித சுருதியும டங்குந்த னிப்பொருளை எப்பொருளு மாய
அறிவையறி பவரறியும் இன்பந்த னைத்துரிய
முடிவைஅடி நடுமுடிவில் துங்கந்த னைச்சிறிய
அணுவையணு வினின்மலமு நெஞ்சுங்கு ணத்ரயமு மற்றதொரு காலம்
நிகழும்வடி வினைமுடிவி லொன்றென்றி ருப்பதனை
நிறைவுகுறை வொழிவறநி றைந்தெங்கு நிற்பதனை
நிகர்பகர அரியதைவி சும்பின்பு ரத்ரயமெ ரித்தபெரு மானும்
நிருபகுரு பரகுமர என்றென்று பத்திகொடு
பரவஅரு ளியமவுன மந்த்ரந்த னைப்பழைய
நினதுவழி யடிமையும்வி ளங்கும்ப டிக்கினிது ணர்த்தியருள் வாயே
தகுதகுகு தகுதகுகு தந்தந்த குத்தகுகு
டிகுடிகுகு டிகுடிகுகு டிண்டிண்டி குக்குடிகு
தகுதகெண கெணசெகுத தந்தந்த ரித்தகுத தத்ததகு தீதோ
தனதனன தனதனன தந்தந்த னத்தனன
டுடுடுடுடு டுடுடுடுடு டுண்டுண்டு டுட்டுடுடு
தரரரர ரிரிரிரிரி யென்றென்றி டக்கையுமு டுக்கையுமி யாவும்
மொகுமொகென அதிரமுதி ரண்டம்பி ளக்கநிமிர்
அலகைகர ணமிடவுல கெங்கும்ப்ர மிக்கநட
முடுகுபயி ரவர்பவுரி கொண்டின்பு றப்படுக ளத்திலொரு கோடி
முதுகழுகு கொடிகருட னங்கம்பொ ரக்குருதி
நதிபெருக வெகுமுகக வந்தங்கள் நிர்த்தமிட
முரசதிர நிசிசரரை வென்றிந்தி ரற்கரச ளித்த பெருமாளே

8. காதின்மணி ஓலையிட்டு வருமானார்
காமவலை ஊடுபுக்கு மதிமாழ்கி
நீதிநெறி யேவிடுத்து மலையாதே
நீயுனிரு தாளளிக்க வரவேணும்
ஆதிமக மாயிபெற்ற குமரேசா
ஆறுமுக மேபடைத்த குருநாதா
தீதிலடி யார்மனத்தில் உறைவோனே
தேவர்குடி வாழவைத்த பெருமாளே

9. தமரு மமரு மனையு மினிய
தனமு மரசும் அயலாகத்
தறுகண் மறலி முறுகு கயிறு
தலையை வளைய எறியாதே
கமல விமல மரக தமணி
கனக மருவு மிருபாதங்
கருத அருளி யெனது தனிமை
கழிய அறிவு தரவேணும்
குமர சமர முருக பரம
குலவு பழநி மலையோனே
கொடிய பகடு முடிய முடுகு
குறவர் சிறுமி மணவாளா
அமர ரிடரு மவுண ருடலு
மழிய அமர்செய் தருள்வோனே
அறமு நிறமு மயிலு மயிலு
மழகு முடைய பெருமாளே.

புரசை அருணகிரி பாடல்கள் - 4

1. எழும் போதும் வேலும் மயிலும் என்பேன் எழுந்தே மகிழ்ந்து
தொழும் போதும் வேலும் மயிலும் என்பேன் தொழுதே உருகி
அழும் போதும் வேலும் மயிலும் என்பேன் அடியேன் உடலம்
விழும் போதும் வேலும் மயிலும் என்பேன் செந்தில் வேலவனே

2. ஓம் ஷண்முக பதயே நமோ நம, ஓம் ஷண்மத பதயே நமோ நம:
ஓம் ஷட்க்ரீவ பதயே நமோ நம, ஓம் ஷட்க்ரீட பதயே நமோ நம:
ஓம் ஷட்கோண பதயே நமோ நம, ஓம் ஷட்கோச பதயே நமோ நம:
ஓம் நவனிதி பதயே நமோ நம, ஓம் சுபனிதி பதயே நமோ நம:
ஓம் நரபதி பதயே நமோ நம, ஓம் ஸுரபதி பதயே நமோ நம:
ஓம் நடச்சிவ பதயே நமோ நம, ஓம் ஷடக்ஷர பதயே நமோ நம:
ஓம் கவிராஜ பதயே நமோ நம, ஓம் தபராஜ பதயே நமோ நம:
ஓம் இஹபர பதயே நமோ நம, ஓம் புகழ்முனி பதயே நமோ நம:
ஓம் ஜயஜய பதயே நமோ நம, ஓம் நயநய பதயே நமோ நம:
ஓம் மஞ்சுள பதயே நமோ நம, ஓம் குஞ்சரீ பதயே நமோ நம:
ஓம் மல்லி பதயே நமோ நம, ஓம் மல்ல பதயே நமோ நம:
ஓம் அஸ்த்ர பதயே நமோ நம, ஓம் சஸ்த்ர பதயே நமோ நம:
ஓம் ஷஷ்டீ பதயே நமோ நம, ஓம் இஷ்டீ பதயே நமோ நம:
ஓம் அபேத பதயே நமோ நம, ஓம் சுபோத பதயே நமோ நம:
ஓம் வியூஹ பதயே நமோ நம, ஓம் மயூர பதயே நமோ நம:
ஓம் பூத பதயே நமோ நம, ஓம் வேத பதயே நமோ நம:
ஓம் புராண பதயே நமோ நம, ஓம் பிராண பதயே நமோ நம:
ஓம் பக்த பதயே நமோ நம, ஓம் முக்த பதயே நமோ நம:
ஓம் அகார பதயே நமோ நம, ஓம் உகார பதயே நமோ நம:
ஓம் மகார பதயே நமோ நம, ஓம் விகாச பதயே நமோ நம:
ஓம் ஆதி பதயே நமோ நம, ஓம் பூதி பதயே நமோ நம:
ஓம் அமார பதயே நமோ நம, ஓம் குமார பதயே நமோ நம:

3. சந்ததம் பந்தத் தொடராலே
சஞ்சலந் துஞ்சித் திரியாதே
கந்தனென் றென்றுற் றுனைநாளும்
கண்டுகொண் டன்புற் றிடுவேனோ
தந்தியின் கொம்பைப் புணர்வோனே
சங்கரன் பங்கிற் சிவைபாலா
செந்திலங் கண்டிக் கதிர்வேலா
தென்பரங் குன்றிற் பெருமாளே.

4. அபகார நிந்தைபட் டுழலாதே
அறியாத வஞ்சரைக் குறியாதே
உபதேச மந்திரப் பொருளாலே
உனைநானி னைந்தருட் பெறுவேனோ
இபமாமு கன்தனக் கிளையோனே
இமவான்ம டந்தையுத் தமிபாலா
ஜெபமாலை தந்தசற் குருநாதா
திருவாவி னன்குடிப் பெருமாளே

5. மருமல்லி யார்குழலின் மடமாதர்
மருளுள்ளி நாயடிய னலையாமல்
இருநல்ல வாகுமுன தடிபேண
இனவல்ல மானமன தருளாயோ
கருநெல்லி மேனியரி மருகோனே
கனவள்ளி யார்கணவ முருகேசா
திருவல்லி தாயமதி லுறைவோனே
திகழ்வல்ல மாதவர்கள் பெருமாளே.

6. ஆறுமுக விலாசமும், பன்னிரு கண்கள், ஈராறு கரமான அழகும்
அய்யனின் மகுடமுடி நவரத்ன ப்ரகாச அலங்கார ஜோதி அழகும்
கோரும் அடியார்கள் வினை தீர்த்திடும் ஆறுமுக குண்டல ஜொலிப்பின் அழகும்
குஞ்ஜரி தெய்வயானை குறவள்ளி ரஞ்ஜிதன் புன்சிரிப்பான முகமும்
ஏறுமயில் ஏறிவிளையாடவும் கரமதனில் ஈட்டி வேல் பார்வை அழகும்
இடையில் ஒட்டியாணமும் பட்டுகள் பளபளென இருபாத தண்டை அழகும்
பாருலகத்தோர் புகழும் பன்னிரு விழிக் கருணை பகவானின் மேனி அழகை
யாராலும் வர்ணிக்க முடியாத ஆறுமுக ஐயனை போற்றி செய்வோம்

7. இருமலு ரோக முயலகன் வாத
மெரிகுண நாசி விடமேநீ
ரிழிவுவி டாத தலைவலி சோகை
யெழுகள மாலை யிவையோடே
பெருவயி றீளை யெரிகுலை சூலை
பெருவலி வேறு முளநோய்கள்
பிறவிகள் தோறு மெனைநலி யாத
படியுன தாள்கள் அருள்வாயே
வருமொரு கோடி யசுரர்ப தாதி
மடியஅ நேக இசைபாடி
வருமொரு கால வயிரவ ராட
வடிசுடர் வேலை விடுவோனே
தருநிழல் மீதி லுறைமுகி லூர்தி
தருதிரு மாதின் மணவாளா
சலமிடை பூவி னடுவினில் வீறு
தணிமலை மேவு பெருமாளே

8. ஏதுபிழை செய்தாலும் ஏழையேனுக்கு இரங்கி தீதுபுரியாத தெய்வமே
போரூர் தெய்வமே, நீதி தழைக்கின்ற போரூர் தெய்வமே ( தணிமுதலே)
நாயேன் பிழைக்கின்றவாறு நீபேசு தெய்வமே

9. நாத விந்துக லாதீ நமோநம, வேத மந்த்ரசொ ரூபா நமோநம
ஞான பண்டித ஸ்வாமி நமோநம வெகுகோடி
நாம சம்புகு மாரா நமோநம, போக அந்தரி பாலா நமோநம
நாக பந்தம யூரா நமோநம பரசூரர்;
சேத தண்டவி நோதா நமோநம, கீத கிண்கிணி பாதா நமோநம
தீர சம்ப்ரம வீரா நமோநம கிரிராஜ
தீப மங்கள ஜோதீ நமோநம, தூய அம்பல லீலா நமோநம
தேவ குஞ்சரி பாகா நமோநம அருள்தாராய்;
ஈத லும்பல கோலா லபூஜையும், ஓத லுங்குண ஆசா ரநீதியும்
ஈர முங்குரு சீர்பா தசேவையு மறவாத
ஏழ்த லம்புகழ் காவே ரியால்விளை சோழ மண்டல மீதே மநோகர
ராஜ கம்பீர நாடா ளுநாயக வயலூரா
ஆத ரம்பயி லாரூ ராதோழமை
சேர்தல் கொண்டவ ரோடே முனாளினில்
ஆடல் வெம்பரி மீதே றிமாகயி லையிலேகி
ஆதி யந்தவு லாவா சுபாடிய
சேரர் கொங்குவை காவூர் நனாடதில்
ஆவி னன்குடி வாழ்வா னதேவர்கள் பெருமாளே.

10. அதிருங் கழல்ப ணிந்து னடியேனுன்
அபயம் புகுவ தென்று நிலைக்காண
இதயந் தனிலி ருந்து க்ருபையாகி
இடர்சங் கைகள்க லங்க அருள்வாயே
எதிரங் கொருவ ரின்றி நடமாடும்
இறைவன் தனது பங்கி லுமைபாலா
பதியெங் கிலுமி ருந்து விளையாடிப்
பலகுன் றிலும மர்ந்த பெருமாளே

11. விந்ததி னூறி வந்தது காயம்
வெந்தது கோடி யினிமேலோ
விண்டுவி டாம லுன்பத மேவு
விஞ்சையர் போல அடியேனும்
வந்துவி நாச முன்கலி தீர
வண்சிவ ஞான வடிவாகி
வன்பத மேறி யென்களை யாற
வந்தருள் பாத மலர்தாராய்
எந்தனு ளேக செஞ்சுட ராகி
யென்கணி லாடு தழல்வேணி
எந்தையர் தேடு மன்பர்ச காய
ரெங்கள்சு வாமி யருள்பாலா
சுந்தர ஞான மென்குற மாது
தன்றிரு மார்பி லணைவோனே
சுந்தர மான செந்திலில் மேவு
கந்தசு ரேசர் பெருமாளே.

12. தந்த பசிதனைய றிந்து முலையமுது
தந்து முதுகுதட வியதாயார்
தம்பி பணிவிடைசெய் தொண்டர் பிரியமுள
தங்கை மருகருயி ரெனவேசார்
மைந்தர் மனைவியர்க டும்பு கடனுதவு
மந்த வரிசைமொழி பகர்கேடா
வந்து தலைநவிர விழ்ந்து தரைபுகம
யங்க வொருமகிட மிசையேறி
அந்த கனுமெனைய டர்ந்து வருகையினி
லஞ்ச லெனவலிய மயில்மேல்நீ
அந்த மறலியொடு கந்த மனிதனம
தன்ப னெனமொழிய வருவாயே
சிந்தை மகிழமலை மங்கை நகிலிணைகள்
சிந்து பயமயிலு மயில்வீரா
திங்க ளரவுநதி துன்று சடிலரருள்
செந்தி னகரிலுறை பெருமாளே

13. பொறந்ததையா நல்லநேரம் எழுந்து பாருங்க
போய்வரலாம் பழனிமலை நடந்து வாருங்க
நடந்ததெல்லாம் நடந்ததையா மறந்து போடுங்க
நடக்கப்போற காரியத்தை நினைந்து வாருங்க
சேவல்கூவி அழைக்குதுகண் திறந்து பாருங்க
சிங்காரவேலன் புகழை உணர்ந்து பாடுங்க
காவல்செய்யும் முருகன்மலை அருகில் தானுங்க
கடவுள்பெயரை சொல்லி சொல்லி உருகிப் பாடுங்க
ஆணும்பெண்ணும் கூட்டம்கூடி ஆடிப் பாடுங்க
வரம்ஆறுமுக சாமியிடம் கேட்டுப் பாருங்க
வேணும்உந்தன் காட்சிஎன்று சொல்லிப் போடுங்க
அவன்வேறு வார்த்தை சொல்லவந்தால் தள்ளிப் போடுங்க
ஹரோஹரா சொல்வதற்குத் தொடங்கிப் போடுங்க
வரும் அசுரப்பய கொட்டமெல்லாம் அடங்கிப் போகுங்க
மோதவந்த துன்பமெல்லாம் விலகிப் போகுங்க
மோதகத்தான் தம்பிபலம் வந்து சேருங்க
தந்தனத்தான் தந்தனத்தான் தாளம் போடுங்க
சங்கரன்பெற்ற பிள்ளையப்பற்றி ராகம் பாடுங்க
கந்தனுக்கு நெஞ்சினுக்குள் கோலம் போடுங்க
கண்ணில்வரும் நீரைக்கொண்டு பாலம் போடுங்க

பட்டினத்தார்

காலம்: 10 -ஆம் நூற்றாண்டு
ஊர்: காவிரிப்பூம்பட்டினம்
தாய்: ஞானகலாம்பை
தந்தை: சிவநேசர்
குலம்: வைச்ய குலம்
மனைவி: சிவகலை
மகன்: மருதவாணன்

சிவபெருமானின் நண்பரும், திசைக்காவலர்களில் ஒருவரும், யக்ஷர்களின் தலைவரும், இராவணேச்வரனின் சகோதரரும், புஷ்பகவிமானத்தின் சொந்தக்காரருமான குபேரன் ஒரு முறை பூமியில் அவதரிக்க நேர்ந்தது. தமிழகத்தில் திருவெண்காட்டிற்கருகில் உள்ள காவிரிப்பூம்பட்டினத்தில் சிறந்த வைச்ய குலத்தில் சிவநேசர்-ஞானகலாம்பை தம்பதிகளின் நற்பலனாக ச்வேதாரண்யன் (திருவெண்காடர்) எனும் திருப்பெயருடன் பிறந்தார்.

ஐந்து வயதில் தந்தையை இழந்து, தாயாரால் வளர்க்கப்பட்டார். ஆறு வயதில் சிவனருளால் திருவெண்காடர் சன்னதியில் தாயார், சிவனடியார்கள் முன்னிலையில் வ்யாக்ரபுரத்தை சேர்ந்த ஒரு ப்ரம்மச்சாரியால் முறையாக பஞ்சாக்ஷர மந்திரமும், சிவபூஜை முறைகளும் உபதேசிக்கப்பட்டார். குருநாதர், சிவனடியார்கள், வறியவர்கள் என அனைவரும் பொருள்களாலும், த்ரவ்யங்களாலும், உணவு வகைகளாலும் அன்புடன் பெருமளவில் உபசரிக்கப்பெற்றனர்.

இளமைப்பருவத்தில் சிவசிதம்பரச் செட்டியார்-சிவகாமியம்மை தம்பதிகளின் தவப்புதல்வியான சிவகலை என்பவருடன் பட்டினத்தார் திருமணம் 5 நாட்கள் கோலாகலமாக நடந்தேறியது. அளவிற்கடங்கா செல்வக்குவியல், புகழ், சிவபூஜை, அடியார் பூஜை, தர்மகார்யங்கள் என வாழ்க்கை வளர்ந்தாலும், முப்பத்தைந்து வயதாகியும் மழலைச்செல்வம் ஒன்று இல்லாத குறை தம்பதிகளைப் பெரிதும் வாட்டியது. இடைமருதூர் ஈசனிடம் முறையிட்டனர்.

அதே வேளையில், திருவிடைமருதூரிலேயே மருதவாணர் பூஜைகளிலும், சிவனடியார் சேவையிலும் தன் செல்வங்கள் அனைத்தையும் செலவிட்டு, கடைசியில் இறைவன் திருவிளையாடலில் மனைவியின் திருமாங்கல்யத்தையும் அடியார் சேவைக்கே தீர்த்த சிவசருமர்-சுசீலை எனும் தம்பதியினர் மறுநாள் அடியாருக்கு அன்னமிட பொருளுக்கு என்ன செய்வது என்று பெரும் துயருற்று, வருத்தத்துடன் கண்ணயர்ந்தனர்.

இரு தம்பதிகளுக்கும் அருள திருவுளம் கொண்ட மருதீசர், சிவசருமர் தம்பதிகளின் கனவில் மலர்ந்து, "நாளைக் காலை காருண்யாமிர்தத் தீர்த்தக் கரையில் இருக்கும் வில்வமரத்தடியில் யாமே ஒரு குழந்தையாய் இருப்போம். எம்மை காவிரிப்பூம்பட்டினத்தில் இருக்கும் பட்டினத்தாரிடம் கொடுத்து எடைக்கு எடை பொன்னைப் பெற்றுக்கொள்ளுங்கள், இது பற்றி கவலை கொள்ளவேண்டாம். குபேரனே பட்டினத்தாராக அவதரித்திருக்கிறான். இவை முன்னமே முடிவு செய்யப்பட்டது. அவனுக்கு மெய்ஞான நிலை அருள்கையில் உமக்கும் குடும்பத்தோடு முக்தி பேறு அளிப்போம்" என்று கூறி மறைந்தார். அதேபோல் பட்டினத்துத் தம்பதிகளின் கனவிலும் "சிவசருமர் கொண்டுவரும் குழந்தையை எடைக்கு எடை பொன் கொடுத்துப் பெற்றுக்கொள்ளுமாறும், இந்தப் பிறவியில் உங்களுக்குப் பிள்ளைப் பேறு இவ்விதமே" என்றும் கூறி மறைந்தார்.

இறைவனுக்கீடாக எவ்வளவுப் பொருள் வைப்பது. குழந்தை இருந்த தராசுத்தட்டு கீழாகவே உள்ளது. சிவசருமர் போதும், போதும் என்க, பட்டினத்தார் என் பொருளனைத்தையும் கொடுத்து, என்னையும் கொடுத்து இந்தக் குழந்தையைப் பெற்றே தீருவேன் என்கிறார். இந்த நிலையில் அனைவரும் பார்த்திருக்க தராசுத்தட்டுகள் சமநிலைக்கு வருகின்றன. சிவசருமரே ப்ரோஹிதராக இருக்க குழந்தைக்கு "மருதவாணன்" என்ற பெயர் சூட்டப்படுகிறது. தகுந்த மரியாதைகளும், உபசரிப்பும் செய்யப்பெற்ற சிவசருமர் பட்டினத்தார் பல வண்டிகளில் அளித்த செல்வங்களுடன் பாதுகாப்புடன் இடைமருதூருக்கு அனுப்பிவைக்கப்படுகிறார். குழந்தையை யிழந்த வருத்தத்துடன் நாட்களைக் கழித்த சிவசருமர் தம்பதிகள் நாளைடைவில் இறையருள் பெற்று உய்கின்றனர்.

பட்டினத்தாரில்லத்தில் சீரோடும், சிறப்போடும், கலைகளில் சிறந்தும், பல திருவிளையாடல்களை நிகழ்த்தியும் குழந்தை வளர்ந்து பதினாறாம் ப்ராயத்தையடைகிறது. செல்வந்தர்களுக்கெல்லாம் தலைவரான பட்டினத்தாரின் குழந்தை அவருக்கு மெய்ஞ்ஞானம் அளிக்க நேரம் வந்ததையுணர்ந்து, நண்பர்களுடன் சேர்ந்து திரைகடலோடித் திரவியம் தேட தந்தையிடம் அனுமதி கேட்கிறார். பெறும் வற்புறுத்தலுக்குப் பின் அனுமதிக்கப்படுகிறார்.சென்ற இடங்களில் அனைவரையும் விஞ்சிப் பொருளீட்டுகிறார். திரும்பிக் கடலில் வந்து கொண்டிருக்கையில் காற்றும், பெருமழையும் கப்பல்களை அலைக்கழிக்க வைக்கின்றன. குளிரிலும், மழையிலும் அல்லலுற்ற நண்பர்கள் மருதவாணன் வறட்டிகள் வைத்திருப்பதையறிந்து சிலவற்றைக் கேட்கின்றனர். மீண்டும் அதே போன்ற வறட்டிகளையே திருப்பித்தரவேண்டுமென்று எழுதி வாங்கிக்கொண்டு வறட்டிகளைக் கொடுக்கிறார்.

திசை தெரியாமல் திண்டாடி, அங்குமிங்கும் சுற்றி, அனைத்துப் பொருள்களையும் இழந்து ஒருவாறு ஊரை அடைகின்றனர். மருதவாணரின் வறட்டிகள் மட்டுமே எஞ்சுகிறது. உயிருடன் திரும்பிய புதல்வர்களைப் பெற்றோரும், உற்றாரும் ஒன்று சேர்ந்து வரவேற்று மகிழ்கின்றனர். மருதவாணருடன் வந்தவர்கள் அவனுக்குப் பைத்தியம் பிடித்து விட்டதாகவும், வறட்டிகளுக்குப் பத்திரம் எழுதி வாங்கிக்கொண்டதையும் பட்டினத்தாரிடம் கூறிச்செல்கின்றனர். கப்பல்களில் கண்ட வறட்டி மூட்டைகளைக் கண்ட அவரும் பெரும் அவமானமும், வருத்தமும் அடைகிறார். ஒரு பெட்டியை தந்தையாரிடம் கொடுத்து, எல்லாவற்றையும் சரி பார்த்துக்கொள்ளச்சொல்லிவிட்டு, மருதவாணர் அன்னையையும், பாட்டியையும் பார்ப்பதற்கு இல்லம் சென்று விடுகிறார்.

அந்தப்பெட்டியில் கடன் பத்திரங்களும், மாதிரிக்கு சில வறட்டிகளும் இருக்கின்றதைக் கண்டு நொந்த பட்டினத்தார் அவைகளைத் தூக்கி எறிகிறார். தரையில் விழுந்துடைந்த வறட்டிகளிலிருந்து முத்து, மாணிக்கம், வைர வைடூர்யங்கள் என செல்வங்கள் சிதறித்தெறித்தோடுகின்றன. அதைக்கண்டு நெஞ்சம் பதைக்க, பரபரப்போடு செல்வனைப் புரிந்து கொள்ளாமல் வருத்தப்பட்டதை நொந்து வீட்டை நோக்கி ஓடுகிறார். கிடைப்பாரா இனி? அனைவரும் அனைத்து இடங்களிலும் தேடியும் மருதவாணர் கிடைக்கவில்லை. அப்போது பட்டினத்தார் மனைவி, "நம் மைந்தன் தாங்கள் வந்தவுடன் கொடுக்கும்படி இந்தப் பேழையைக் கொடுத்திருக்கிறான்" என்றாள்.

ஆவலுடனும், பயத்துடனும் அதைத் திறந்துபார்த்த அவருக்கு அதில் ஒரு காதற்ற ஊசியும் (குண்டூசி), ஒரு ஓலைச்சுவடியும் காத்திருந்தன. "காதற்ற ஊசியும் வாராது காணுங்கடைவழிக்கே" - இதுவே அந்த சுவடியில் இருந்த வாசகம். குண்டூசியைக் கூட நாம் இறந்துபடும்போது எடுத்துச்செல்லப் போவதில்லை என்ற அந்த சொல், பக்குவமடைந்திருந்த பட்டினத்தாருக்கு பசுமரத்தில் ஆணி அடித்ததுபோல் பதிந்தது. துறவு கொள்கிறார். அம்மாவின் காலம் முடியும் வரை ஊர் எல்லையைத் தாண்டுவதில்லையென்று உறுதி செய்துகொள்கிறார். மனைவியை சிவனடியார்க்குத் தொண்டு செய்து கொண்டு இறைவன் திருவடிகளை அடையுமாறு அறிவுறுத்துகிறார். தலைமைக் கார்யதர்சியான சேந்தனாரிடம் எல்லா செல்வங்களையும் அனைவரும் எடுத்துக்கொள்ளும் வண்ணம் சூறையிடுமாறு கூறி விட்டு ஊர் எல்லையில் இருக்கும் ஒரு மண்டபத்தைத் தனக்கிருப்பிடமாகக் கொண்டு, தினமும் ஊரில் சென்று அனைவரிடமும் பிச்சையெடுத்து உண்டு, ஈசன் நினைவில் காலத்தைப் போக்குகிறார்.

அரசனுக்கும் வேண்டியவரான பட்டினத்தார் துறவு பூண்ட செய்தி எங்கும் பரவி, ஊர் மக்களும், பெரியவர்களும் அவர் தங்கியிருந்த மண்டபத்திற்கு வந்து திரும்பி வந்து விடுமாறு வேண்டுகின்றனர்.

அத்தமும் வாழ்வும் அகத்து மட்டே

விழி அம்பொழுக

மெத்திய மாதரும் வீதி மட்டே

விம்மி விம்மி இரு

கைத்தலைமேல் வைத்து அழும்

மைந்தரும் சுடுகாடுமட்டே

பற்றித் தொடரும் இருவினை

புண்ணிய பாவமுமே

- என்று பதிலளிக்கிறார். விஷயத்தை யறிந்த மன்னர் பட்டினத்தாரிடம் வந்து, "வணிகர் குலத் தலைவரே ! எல்லாவற்றையும் உதறி விட்டு இப்படி பரதேசியாக இங்கு வந்து அமர்ந்திருக்கிறீரே. இதில் என்ன விசேஷத்தைக் கண்டீர்?" என வருத்தத்துடனும், பரிவுடனும் கேட்கிறார். "மன்னர் நிற்க, ஆண்டி நான் அமர்ந்திருக்கிறேன், இதுதான் விசேஷம்" என்கிறார். மன்னர் வருத்தத்துடன் திரும்பிச் செல்கிறார். அவர் முன்பிருந்த நிலையையும், இப்போதிருக்கும் நிலையையும் கண்ட உறவினர்களும், நண்பர்களும் வருத்தமும், வெறுப்பும் அடைகின்றனர். ஒரு நாள் பிச்சையெடுத்து வருகையில் அவர் தமக்கையாரே விஷம் கலந்த அப்பத்தை தயாரித்து அவருக்கிடுகிறார். சித்தரல்லவா அவர். "தன்வினை தன்னைச் சுடும், ஓட்டப்பம் வீட்டைச் சுடும்" என்று தமக்கையின் வீட்டின் மீதெறிந்துவிட்டு செல்கிறார். மளமளவென்று வீடுகள் தீப்பற்றி யெரிய ஆரம்பிக்கின்றன. அவர் கால்களில் விழுந்து அனைவரும் மன்னிப்பு வேண்ட, கருணை புரிகிறார். நெருப்பு அணைந்து விடுகிறது.

காலம் கழிகின்றது. பட்டினத்தாரின் தாயார் இறைவனடி சேர்கிறார். விஷயத்தைக் கேள்விப்பட்ட பட்டினத்தார் விரைந்து வருகிறார். தாயின் மெல்லுடலை கட்டைகளும், சுள்ளிகளும் குத்திக் கொடுமைப் படுத்தும் என்று வாழை மட்டைகளால் சிதையமைத்து தாயின் பெருமைகளை நினைத்துப் பாடல்களைப் பாடுகிறார்.

முன்னை யிட்டதீ முப்புரத்திலே

பின்னை யிட்டதீ தென்னிலங்கையில்

அன்னை யிட்டதீ அடிவயிற்றிலே

யானும் இட்டதீ மூள்கமூள்கவே

- என்று பாட சிதை தானாகவே பற்றி யெரிகின்றது.

பல ஊர்களுக்கும் சென்று இறைவனைத் தரிசித்துப் பாடல்களைப் பாடுகிறார். மௌன விரதம் இருந்த ஒரு நாளில், ஒரு வீட்டின் வாசலில் பிச்சைக்காகக் கையைத் தட்டுகிறார். அந்த இல்லத்தின் தலைவன் விவரமறியாமல் காம எண்ணத்துடன் எவனோ ஒருவன் தன் வீட்டு வாசலில் கையைத் தட்டுவதாக யெண்ணி அவரை அடித்து விடுகிறான். ஒரு சாண் வயிற்றுக்காகத் தான் படும் பாட்டை யெண்ணி, இனி எங்கும் பிச்சை யெடுப்பதில்லை யென்றும், இருக்கும் இடத்தில் கிடைப்பதையே உண்ணவும் நிச்சயித்துக் கொள்கிறார்.

இருக்கும் இடம் தேடி என் பசிக்கே அன்னம்

உருக்கமுடன் கொண்டு வந்தால் உண்பேன் - பெருக்க

அழைத்தாலும் போகேன் அரனே என் தேகம்

இளைத்தாலும் போகேன் இனி


உஜ்ஜயினியில் ஒருமுறை சிவதரிசனம் செய்துவிட்டு இரவில் ஒரு பழைய பிள்ளையார் கோவிலில் நிஷ்டையில் இருந்த பட்டினத்தாரின் கழுத்தில் உருவம் தெரியாமல் பிள்ளையார் என்று நினைத்து அன்று அரண்மனையில் திருடியதில் பங்காக ஒரு விலையுயர்ந்த மாலையைப் போட்டுவிட்டு சென்று விடுகின்றனர் ஒரு திருட்டுகூட்டத்தினர். அவர்களைத் துரத்திக் கொண்டு வந்த காவலர்கள் ஜொலிக்கும் அணிகலனைப் போட்டுக் கொண்டிருந்த பட்டினத்தாரை மிகுந்த கடமை யுணர்வுடன் சபைக்கு இழுத்துச் செல்கின்றனர். பலரின் வேறுபட்ட கூற்றுகளுக்கிடையே, மன்னர் பத்ரகிரியாரும் விதி வசத்திலிருந்து, அவரைக் கழுவிலேற்றிக் கொன்று விடச் சொல்கிறார். கழுமர மிருக்கும் இடத்திற்கு இழுத்துச் செல்லப்பட்ட பட்டனத்தார் அதைப் பார்த்து,

என் செயலாவது யாதொன்றும் இல்லை இனித் தெய்வமே

உன் செயலே என்று உணரப் பெற்றேன் இந்த ஊன் எடுத்த

பின் செய்த தீவினை யாதொன்றும் இல்லை பிறப்பதற்கு

முன் செய்த தீவினையோ இங்ஙனே வந்து மூண்டதுவே

- என்று பாடுகிறார். கழுமரம் உடனே தீப்பற்றி யெரிந்து சாம்பலாகி விடுகிறது. அதிகாரிகளும், காவலர்களும் பத்ரகிரியாரிடம் விஷயத்தைத் தெரிவிக்கின்றனர். பக்திமானான அரசர் உண்மையைப் புரிந்து கொள்கிறார். அடியார் காலில் அரசர் விழுந்து, தன் தவறை மன்னித்தருளுமாறு வேண்டிக் கொள்கிறார். பட்டினத்தாரின் அருட்பார்வையும், உபதேசமும் பெற்ற அரசரும் துறவு பூண்கிறார். பட்டனத்தாருக்கு சீடராகிறார்.

மீண்டும் திருவெண்காட்டிற்கு வந்திருந்த பட்டினத்தாரிடம், அவர் செல்வங்களையும், சொத்துக்களையும் அரசு கஜானாவில் சேர்க்கும் பொருட்டு சேந்தனாரை யரசர் சிறையில் அடைத்து, சித்ரவதை செய்வதாக, வறுமையில் தவிக்கும் சேந்தனாரின் மனைவி, குழந்தைகளோடு வந்து கூறி யழுகிறார். அவர்களை யழைத்துக் கொண்டு இறைவன் சந்நிதிக்கு சென்ற பட்டினத்தார்,

மத்தளை தயிருண்டானும்

மலர்மிசை மன்னினானும்

நித்தமுந் தேடிக் காணா

நிமலனே! அமலமூர்த்தி!

செய்த்தளைக் கயல்பாய்

நாங்கூர்ச் சேந்தனை வேந்தனிட்ட

கைத்தளை நீக்கியென்முன்

காட்டு வெண்காட்டுளானே!

- என்று வேண்ட, பரமனருளால் பட்டினத்தார் முன் நிற்கிறார் சேந்தனார். அரசன் சிறையில் இருந்து விடுதலை யளித்தது போல், பிறவிக் கடலில் இருந்தும் அவருக்குத் தில்லையில் இறைவன் விடுதலை யளித்து ஏற்றுக் கொள்கிறான். பின்னொரு சமயம் காளத்திநாதரைத் தரிசிக்கையில்,

வாளால் மகவரிந்து ஊட்ட வல்லேனல்லன் மாது சொன்ன

சூளால் இளமை துறக்க வல்லேனல்லன் தொண்டு செய்து

நாளாறில் கண் இடந்தப்ப வல்லேனல்லன் நானினிச் சென்று

ஆளாவ தெப்படியோ திருக்காளத்தி யப்பருக்கே

- என்ற பாடலைப் பாடுகிறார்.

பெரும் செல்வங்களையும், சுற்றங்களையும் விடுத்து, பிச்சையெடுத்து உண்டும், பல சித்துக்களை செய்தும், பல தலங்களுக்குச் சென்று இறைவனைப் பாடியும் தனது வாழ்க்கையைக் கழித்த பட்டினத்துப் பிள்ளை இறுதியில், திருவொற்றியூரில் இறைவனோடு கலக்கிறார்.

புரசை அருணகிரி பாடல்கள் - 3

1. விடமடைசு வேலை அமரர்படை சூலம்
விசையன்விடு பாண மெனவேதான்
விழியுமதி பார விதமுமுடை மாதர்
வினையின்விளை வேதும் அறியாதே
கடியுலவு பாயல் பகலிரவெ னாது
கலவிதனில் மூழ்கி வறிதாய
கயவனறி வீனன் இவனுமுயர் நீடு
கழலிணைகள் சேர அருள்வாயே
இடையர்சிறு பாலை திருடிகொடு போக
இறைவன்மகள் வாய்மை அறியாதே
இதயமிக வாடி யுடையபிளை நாத
கணபதியெ னாம முறைகூற
அடையலவர் ஆவி வெருவஅடி கூர
அசலுமறி யாமல் அவரோட
அகல்வதென டாசொல் எனவுமுடி சாட
அறிவருளும் ஆனை முகவோனே

2. எருவாய் கருவாய் தனிலே யுருவா
யிதுவே பயிராய் விளைவாகி
இவர்போ யவரா யவர்போ யிவரா
யிதுவே தொடர்பாய் வெறிபோல
ஒருதா யிருதாய் பலகோ டியதா
யுடனே யவமா யழியாதே
ஒருகால் முருகா பரமா குமரா
உயிர்கா வெனவோ தருள்தாராய்
முருகா வெனவோர் தரமோ தடியார்
முடிமே லிணைதா ளருள்வோனே
முநிவோ ரமரோர் முறையோ வெனவே
முதுசூ ருரமேல் விடும்வேலா
திருமால் பிரமா வறியா தவர்சீர்
சிறுவா திருமால் மருகோனே
செழுமா மதில்சே ரழகார் பொழில்சூழ்
திருவீ ழியில்மாழ் பெருமாளே

3. சரணகம லால யத்தை அரைநிமிஷ நேர மட்டில்
தவமுறைதி யானம் வைக்க அறியாத
சடகசட மூட மட்டி பவவினையி லேச னித்த
தமியன்மிடி யால்ம யக்க முறுவேனோ
கருணைபுரி யாதி ருப்ப தெனகுறையி வேளை செப்பு
கயிலைமலை நாதர் பெற்ற குமரோனே
கடகபுய மீதி ரத்ந மணியணிபொன் மாலே செச்சை
கமழுமண மார்க டப்ப மணிவோனே
தருணமிதை யாமி குத்த கனமதுறு நீள்ச வுக்ய
சகலசெல்வ யோக மிக்க பெருவாழ்வு
தகைமைசிவ ஞான முத்தி பரகதியு நீகொ டுத்து
தவிபுரிய வேணு நெய்த்த வடிவேலா
அருணதள பாத பத்ம மதுநிதமு மேது திக்க
அரியதமிழ் தான ளித்த மயில்வீரா
அதிசயம நேக முற்ற பழநிமலை மீது தித்த
அழகதிரு வேர கத்தின் முருகோனே

4. ஆறுமுகம் ஆறுமுகம் ஆறுமுகம் ஆறுமுகம்
ஆறுமுகம் ஆறுமுகம் என்றுபூதி
ஆகமணி மாதவர்கள் பாதமலர் சூடுமடி
யார்கள்பத மேதுணைய தென்றுநாளும்
ஏறுமயில் வாகனகு காசரவ ணாஎனது
ஈசஎன மானமுன தென்றுமோதும்
ஏழைகள்வி யாகுலமி தேதெனவி னாவிலுனை
யேவர்புகழ் வார்மறையு மென்சொலாதோ
நீறுபடு மாழைபொரு மேனியவ வேலஅணி
நீலமயில் வாகவுமை தந்தவேளே
நீசர்கட மோடெனது தீவினையெ லாமடிய
நீடுதனி வேல்விடும டங்கல்வேலா
சீறிவரு மாறவுண னாவியுணு மானைமுக
தேவர்துணை வாசிகரி அண்டகூடஞ்
சேருமழ கார்பழநி வாழ்குமர னேபிரம
தேவர்வர தாமுருக தம்பிரானே

5. ஈனமிகுத் துளபிறவி யணுகாதே
யானுமுனக் கடிமையென வகையாக
ஞானஅருட் டனையருளி வினைதீர
நாணமகற் றியகருணை புரிவாயே
தானதவத் தினின்மிகுதி பெறுவோனே
சாரதியுத் தமிதுணைவ முருகோனே
ஆனதிருப் பதிகமரு ளிளையோனே
ஆறுதிருப் பதியில்வளர் பெருமாளே

6. நகைத்து வுருக்கி விழித்து மிரட்டி
நடித்து விதத்தி லதிமோகம்
நடத்து சமத்தி முகத்தை மினுக்கி
நலத்தி லணைத்து மொழியாலுந்
திகைத்த வரத்தி லடுத்த பொருட்கை
திரட்டி யெடுத்து வரவேசெய்
திருட்டு முலைப்பெண் மருட்டு வலைக்குள்
தெவிட்டு கலைக்குள் விழுவேனோ
பகைத்த அரக்கர் சிரத்தை யறுத்து
படர்ச்சி கறுத்த மயிலேறிப்
பணைத்த கரத்த குணத்த மணத்த
பதத்த கனத்த தனமாதை
மிகைத்த புனத்தி லிருத்தி யணைத்து
வெளுத்த பொருப்பி லுறைநாதா
விரித்த சடைக்கு ளொருத்தி யிருக்க
ம்ருகத்தை யெடுத்தோர் பெருமாளே

7. தெருவினில் நடவா மடவார்
திரண்டொ றுக்கும் வசையாலே
தினகர னெனவே லையிலே
சிவந்து திக்கும் மதியாலே
பொருசிலை வளையா இளையா
மதன்தொ டுக்குங் கணையாலே
புளகித முலையா ளலையா
மனஞ்ச லித்தும் விடலாமோ
ஒருமலை யிருகூ றெழவே
யுரம்பு குத்தும் வடிவேலா
ஒளிவளர் திருவே ரகமே
யுகந்து நிற்கும் முருகோனே
அருமறை தமிழ்நூ லடைவே
தெரிந்து ரைக்கும் புலவோனே
அரியரி பிரமா தியர்கால்
விலங்க விழ்க்கும் பெருமாளே

8. ஆதிமக மாயி யம்பை தேவிசிவ னார்ம கிழ்ந்த
ஆவுடைய மாது தந்த குமரேசா
ஆதரவ தாய்வ ருந்தி யாதியரு ணேச ரென்று
ஆளுமுனை யேவ ணங்க அருள்வாயே
பூதமது வான வைந்து பேதமிட வேய லைந்து
பூரணசி வாக மங்க ளறியாதே
பூணுமுலை மாதர் தங்கள் ஆசைவகை யேநி னைந்து
போகமுற வேவி ரும்பு மடியேனை
நீதயவ தாயி ரங்கி நேசவரு ளேபு ரிந்து
நீதிநெறி யேவி ளங்க வுபதேச
நேர்மைசிவ னார்தி கழ்ந்த காதிலுரை வேத மந்த்ர
நீலமயி லேறி வந்த வடிவேலா
ஓதுமறை யாக மஞ்சொல் யோகமது வேபு ரிந்து
ஊழியுணர் வார்கள் தங்கள் வினைதீர
ஊனுமுயி ராய்வ ளர்ந்து ஓசையுடன் வாழ்வு தந்த
ஊதிமலை மீது கந்த பெருமாளே

9. இறவாமற் பிறவாமல் எனையாள்சற் குருவாகிப்
பிறவாகித் திரமான பெருவாழ்வைத் தருவாயே
குறமாதைப் புணர்வோனே குகனேசொற் குமரேசா
அறநூலைப் புகல்வோனே அவிநாசிப் பெருமாளே

புரசை அருணகிரி பாடல்கள் - 2

1. சினத்தவர் முடிக்கும் பகைத்தவர் குடிக்குஞ்
செகுத்தவ ருயிர்க்குஞ் சினமாகச்
சிரிப்பவர் தமக்கும் பழிப்பவர் தமக்கும்
திருப்புகழ் நெருப்பென் றறிவோம்யாம்
நினைத்தது மளிக்கும் மனத்தையு முருக்கும்
நிசிக்கரு வறுக்கும் பிறவாமல்
நெருப்பையு மெரிக்கும் பொருப்பையு மிடிக்கும்
நிறைப்புக ழுரைக்குஞ் செயல்தாராய்
தனத்தன தனத்தந் திமித்திமி திமித்திந்
தகுத்தகு தகுத்தந் தனபேரி
தடுட்டுடு டுடுட்டுண் டெனத்துடி முழக்குந்
தளத்துட னடக்குங் கொடுசூரர்
சினத்தையு முடற்சங் கரித்தம லைமுற்றுஞ்
சிரித்தெரி கொளுத்துங் கதிர்வேலா
தினைக்கிரி குறப்பெண் தனத்தினில் சுகித்தெண்
திருத்தணி யிருக்கும் பெருமாளே.

2. உனது நாமம் சொல்லச் சொல்ல உள்ளமெல்லாம் உருகுதே
எனது மனம் நெகிழ்ந்திடவே இன்ப வெள்ளம் பெருகுதே
மால் மருகன் முருகனெ ன்றால் மாதவங்கள் கூடுதே
வேல் முருகா வேலா என்றால் வேதனைகள் தீருதே
வள்ளி நாதன் என்று சொன்னால் வறுமையெல்லாம் ஓடுதே
புள்ளி மயில் வேலா என்றால் புனிதநிலை காணுதே
ஷஷ்டி பூஜை செய்ய செய்ய சாபம் எல்லாம் தீருதே
இஷ்ட சித்தி என்னுள் காண இன்னல் எல்லாம் மாறுதே
பாடியாடி பணிந்திருந்தால் பரவசமே ஆகுதே
ஆடிவரும் நேரம் கண்டால் ஆனந்தம் ஆகுதே
வாழ்வளிக்கும் வள்ளல் என்றால் வானமுதம் பொழியுதே
ஏழ்மையினி இல்லை என்றே எங்கள்குலம் பாடுதே

3. விரகற நோக்கியு முருகியும் வாழ்த்தியும்
விழிபுனல் தேக்கிட அன்புமேன்மேல்
மிகவுமி ராப்பகல் பிறிதுப ராக்கற
விழைவுகு ராப்புனை யுங்குமாரா
முருகஷ டாக்ஷர சரவண கார்த்திகை
முலைநுகர் பார்த்திப என்றுபாடி
மொழிகுழ றத்தொழு தழுதழு தாட்பட
முழுதும லாப்பொருள் தந்திடாயோ
பரகதி காட்டிய விரகசி லோச்சய
பரமப ராக்ரம சம்பராரி
படவிழி யாற்பொரு பசுபதி போற்றிய
பகவதி பார்ப்பதி தந்தவாழ்வே
இரைகடல் தீப்பட நிசிசரர் கூப்பிட
எழுகிரி யார்ப்பெழ வென்றவேலா
இமையவர் நாட்டினில் நிறைகுடி யேற்றிய
எழுகரை நாட்டவர் தம்பிரானே

4. சேந்தனைக் கந்தனைச் செங்கோட்டு வெற்பனைச் செஞ்சுடர்வேல்
வேந்தனைச் செந்தமிழ் நூல்விரித் தோனை விளங்குவள்ளி
காந்தனைக் கந்தக் கடம்பனைக் கார்மயில் வாகனனைச்
சாந்துணைப் போது மறவா தவர்க்கொரு தாழ்வில்லையே.

5. மனநூறு கோடிதுன்ப நொடிமீதி லேநி னைந்து
மதனூட லேமு யங்கி யதிரூப
மடமாத ராசை கொண்டு புவிமீதி லேம யங்கி
மதிசீரெ லாம ழிந்து கொடிதான
வினைமூடி யேதி ரிந்து புவிமீதி லேயு ழன்று
விரகான்மெ யேத ளர்ந்து விடுநாளில்
விசையான தோகை துங்க மயிலேறி யோடி வந்து
வெளிஞான வீடு தந்து அருள்வாயே
தினைவேடர் காவல் தங்கு மலைகாடெ லாமு ழன்று
சிறுபேதை கால்ப ணிந்த குமரேசா
திரையாழி சேது கண்டு பொருராவ ணேசை வென்ற
திருமால்மு ராரி தங்கை யருள்பாலா
முனிவோர்கள் தேவ ரும்பர் சிறையாக வேவ ளைந்த
முதுசூரர் தானை தங்கள் கிளையோடு
முடிகோடி தூளெ ழுந்து கழுகோடு பாற ருந்த
முனைவேலி னாலெ றிந்த பெருமாளே

6. பாசிப் படர்ந்த மலை முருகையா
பங்குனித்தேர் ஓடும் மலை முருகையா
ஊசி படர்ந்த மலை முருகையா
உத்திராக்ஷம் காய்க்கும் மலை முருகையா

மலைக்குள் மலை நடுவே முருகையா
மலையாள தேசமப்பா முருகையா
மலையாள தேசம் விட்டு முருகையா
மயிலேறி வருவாயிங்கே முருகையா

அந்த மலைக்குயர்ந்த மலை முருகையா
ஆகும் பழநி மலை முருகையா
எந்த மலையைக் கண்டு முருகையா
ஏறுவேன் சந்நிதி முன் முருகையா

ஏறாமல் மலை தனிலே முருகையா
ஏறி நின்று தத்தளிக்க முருகையா
பாராமல் கைகொடுப்பாய் முருகையா
பழநிமலை வேலவனே முருகையா

வேலெடுத்து கச்சை கட்டி முருகையா
விதவிதமாய் மயிலேறி முருகையா
கோலா கலத்துடனே முருகையா
குழந்தை வடிவேலவனே முருகையா

உச்சியில் சடையிருக்க முருகையா
உள்ளங்கையில் வேலிருக்க முருகையா
நெற்றியில் நீறிருக்க முருகையா
நித்தமய்யா சங்குநாதம் முருகையா

தேரப்பா தைப்பூசம் முருகையா
தேசத்தோர் கொண்டாட முருகையா
இடும்பன் ஒரு புறமாம் முருகையா
இருபுறமும் காவடியாம் முருகையா

கடம்ப வனங்கண்டு முருகையா
காட்சிதர வருவாயிங்கே முருகையா
பாவிநான் என்றுசொல்லி முருகையா
பாராம லிருக்கிறாயோ முருகையா

பழனிமலை மீதில்வாழும் முருகையா
பாலகனைக் காக்கவாராய் முருகையா
வள்ளிதெய்வானை யோடு முருகையா
வரவேணும் மயிலேறி முருகையா

7. ஆதாரம் இலேன் அருளைப் பெறவே
நீதான் ஒரு சற்றும் நினைந்திலையே
வேதாகம ஞான விநோத மனோ
தீதா சுரலோக சிகாமணியே!

கருவினுரு வாகி வந்து வயதளவி லேவ ளர்ந்து
கலைகள்பல வேதெ ரிந்து மதனாலே
கரியகுழல் மாதர் தங்க ளடிசுவடு மார்பு தைந்து
கவலைபெரி தாகி நொந்து மிகவாடி
அரகரசி வாய வென்று தினமுநினை யாமல் நின்று
அறுசமய நீதி யொன்று மறியாமல்
அசனமிடு வார்கள் தங்கள் மனைகள்தலை வாசல் நின்று
அநுதினமு நாண மின்றி யழிவேனோ
உரகபட மேல்வ ளர்ந்த பெரியபெரு மாள ரங்கர்
உலகளவு மால்ம கிழ்ந்த மருகோனே
உபயகுல தீப துங்க விருதுகவி ராஜ சிங்க
உறைபுகலி யூரி லன்று வருவோனே
பரவைமனை மீதி லன்று ஒருபொழுது தூது சென்ற
பரமனரு ளால்வ ளர்ந்த குமரேசா
பகையசுரர் சேனை கொன்று அமரர்சிறை மீள வென்று
பழநிமலை மீதில் நின்ற பெருமாளே.

8. காரணம தாக வந்து புவிமீதே
காலனணு காதி சைந்து கதிகாண
நாரணனும் வேதன் முன்பு தெரியாத
ஞானநட மேபு ரிந்து வருவாயே

ஆரமுத மான தந்தி மணவாளா
ஆறுமுக மாறி ரண்டு விழியோனே
சூரர்கிளை மாள வென்ற கதிர்வேலா
சோலைமலை மேவி நின்ற பெருமாளே

9. அகரமு மாகி யதிபனு மாகி யதிகமு மாகி அகமாகி
அயனென வாகி அரியென வாகி அரனென வாகி அவர்மேலாய்
இகரமு மாகி யெவைகளு மாகி யினிமையு மாகி வருவோனே
இருநில மீதி லெளியனும் வாழ எனதுமு னோடி வரவேணும்
மகபதி யாகி மருவும் வலாரி மகிழ்களி கூரும் வடிவோனே
வனமுறை வேட னருளிய பூஜை மகிழ்கதிர் காம முடையோனே
செககண சேகு தகுதிமி தோதி திமியென ஆடு மயிலோனே
திருமலி வான பழமுதிர் சோலை மலைமிசை மேவு பெருமாளே

புரசை அருணகிரி பாடல்கள் - 1

சென்னை புரசைவாக்கத்துல E. அருணகிரி ன்னு ஒரு தாத்தா இருக்கார். கிருபானந்த வாரியார் சுவாமிகளுக்கு ரொம்ப புடிச்சவர். அவர்கிட்டயும், வேற நெறையா பேர்கிட்டயும் நல்ல பாராட்டுகளைப் பெற்றவர். திருப்புகழ், அநுபூதி ன்னு நெறையா பொக்கிஷங்களை இன்றைய தலைமுறைக்குப் போய் சேரும்விதம் மெட்டுப் போட்டு நல்லா பாடி, கேசட், சிடி க்களா வெளியிற்றிருக்கார்.

TMS, சீர்காழி கோவிந்தராஜன், பெங்களூர் ரமணியம்மா, பித்துக்குளி முருகதாஸ் இப்படி பல பேரோட பக்திப் பாடல்கள நாம கேட்டு லயிச்சதுண்டு. அந்த மார்கத்துல இவரும் தெய்வத் திருவருள் பெற்றவர்களின் பாடல்களோடு நடுப்பர, நடுப்பர ஜாலியான காவடி பாட்டுகளையும் பாடி இருக்கார். நான் கேட்ட இவரோட பாடல் வரிகளை இந்த கலெக்ஷன்ல போடலாம்னு இருக்கேன். அர்த்தம் போடல. அதுல கவனம் இல்ல இப்போ. அர்த்தம் தெரிஞ்சா அனுபவிச்சுப் பாடலாம் தான். கொழந்தைங்க நாம சொல்ற சாமான் என்னென்னே தெரியாம போய் கேட்டாலும், கடைக்காரன் தரத்தான் போறான். இப்போதைக்கு நம்ம நெலையும் அதான். இந்தப் பாடல்கள கேசட், சிடி யோட ஈஸியா ப்ராக்டிஸ் பண்ணி தூள் கெளப்புங்க. கஷ்டம் வந்தா கந்தன கூப்டுங்க, கவலையப் போக்கி, இஷ்டத்தப் பூர்த்தி பண்ணுவான்.

யூ ட்யூப் ஆடியோ சாம்பிள் லிங்க்:
https://www.youtube.com/watch?v=giZEp5YYJF8

மொதல் கலெக்ஷன்:

1. வாக்குண்டாம் நல்ல மனமுண்டாம் மாமலராள்
நோக்குண்டாம் மேனி நுடங்காது பூக்கொண்டு
துப்பார் திருமேனித் தும்பிக்கையான் பாதம்
தப்பாமல் சார்வார் தமக்கு
பொருள்: சிவந்த மேனியையுடைய (துப்பு = சிவப்பு, பவளம்) தும்பிக்கையானின் பாதங்களை பூக்கொண்டு தவறாமல் பூஜிப்பவர்க்கு, வாக்கு, நல்ல மனம், லக்ஷ்மி கடாக்ஷம், வாட்டமில்லாத உடம்பு ஆகியன உண்டாகும்.

2. ஆடும் பரிவேல் அணி சேவலெனப்
பாடும் பணியே பணியா யருள்வாய்
தேடும் கயமா முகனைச் செருவில்
சாடும் தனியானை சகோதரனே

3. உம்பர்தரு தேனுமணிக் கசிவாகி
ஒண்கடலில் தேனமுதத் துணர்வூறி
இன்பரசத்தே பருகி பலகாலும்
என்றனுயிர்க் காதரவுற் றருள்வாயே

தம்பி தனக்காக வனத்தணைவோனே
தந்தை வலத்தா லருள்கை கனியோனே
அன்பர் தமக்கான நிலைப் பொருளோனே
ஐந்து கரத் தானை முகப் பெருமாளே.

4. மாலோன் மருகனை மன்றாடி மைந்தனை வானவர்க்கு
மேலான தேவனை மெய்ஞ்ஞான தெய்வத்தை மேதினியிற்
சேலார் வயற்பொழிற் செங்கோடனை சென்று கண்டுதொழ
நாலாயிரங்கண் படைத்திலனே அந்த நான்முகனே.

5. பக்தியால் யானுன்னை பலகாலம்
பற்றியே மாத்திருப் புகழ்பாடி
முத்தனா மாறனைப் பெருவாழ்வில்
முக்தியே சேர்வதற் கருள்வாயே

உத்தம தான சத்குண நேயா
ஒப்பிலா மாமணி கிரிவாசா
வித்தகா ஞானசத் தினிபாதா
வெற்றி வேலாயுதப் பெருமாளே

வேல் வேல் முருகா வெற்றி வேல் முருகா
வா வா முருகா வடிவேல் அழகா

கந்தா முருகா கடம்பா முருகா
கதிர்வேல் முருகா கதிர்காம முருகா

குமரா முருகா குஹனே முருகா
மயில்வேல் முருகா மயூர முருகா

திருத்தணிகை முருகா திருச்செந்தூர் முருகா
ஸ்வாமியே முருகா ஸ்வாமிமலை முருகா
சரவண முருகா சரணம் முருகா

சரவண முருகா சரணம் முருகா
ஷண்முக முருகா ஷடாக்ஷர முருகா

6. வந்த வினையும் வருகின்ற வல்வினையும்
கந்தனென்று சொல்லக் கலங்குமே
செந்தில்நகர் சேவகா என்று திருநீறு அணிவார்க்கு
மேவ வராதே வினை.

7. வசன மிகவேற்றி மறவாதே
மனது துயராற்றி லுழலாதே
இசைபயில் ஷடாக்ஷர மதாலே
இகபர சௌபாக்ய மருள்வாயே

பசுபதி சிவாக்ய முணர்வோனே
பழனிமலை வீற்றருளும் வேலா
அசுரர் கிளைவாட்டி மிகவாழ
அமரர் சிறைமீட்ட பெருமாளே

8. உன்னை ஒழிய ஒருவரையும் நம்புகிலேன்
பின்னை ஒருவரை யான்பின் செல்லேன் - பன்னிருகைக்
கோலப்பா! வானோர் கொடியவினை தீர்த்தருளும்
வேலப்பா! செந்தி வாழ்வே.

9. காமியத் தழுந்தி யிளையாதே
காலர்கைப் படிந்து மடியாதே

ஓமெழுத்தி லன்பு மிகவூறி
ஓவியத்தி லந்த மருள்வாயே

தூமமெய்க் கணிந்த சுகலீலா
சூரனைக் கடிந்த கதிர்வேலா

ஏமவெற் புயர்ந்த மயில்வீரா
ஏரகத் தமர்ந்த பெருமாளே.

10. யாமோதிய கல்வியும் எம்மறிவும்
தாமேபெற வேலவர் தந்ததினால்
பூமேல் மயல்போய் அறமெய்ப் புணர்வீர்
நாமேல் நடவீர் நடவீர் இனியே

11. காவடியாம் காவடி கந்தன் வேலன் காவடி
கண்கொள்ளா காட்சிதரும் கடம்பனுக்குக் காவடி

வேல்முருகன் நாமத்திலே விதவிதமாய்க் காவடி
காவடியாம் காவடி கந்தன் வேலன் காவடி

வெற்றிவேலன் காவடி வீரவேலன் காவடி
சிங்கார வேலனுக்குச் சின்ன சின்னக் காவடி

வண்ணமயில் தோகையோடு ஆடிவரும் காவடி
காவடியாம் காவடி கந்தன் வேலன் காவடி

பழனிமலை பாலனுக்குப் பால்குடத்தால் காவடி
தென்பழனி வேலனுக்குத் தேன்குடத்தால் காவடி
ஸ்வாமிநாத வேலனுக்கு சந்தனத்தால் காவடி
பாலஸுப்ரமண்யனுக்குப் பஞ்சாமிர்த காவடி
ஆறுமுக வேலனுக்கு அழகுமயில் காவடி

வண்ண வண்ணக் காவடி வெற்றிவேலன் காவடி
மயூரநாதனுக்கு மச்சத்தால் காவடி
குன்றக்குடி குமரனுக்குக் குறைவில்லாத காவடி
பக்தரெல்லாம் கொண்டாடும் காவடியாம் காவடி

பாமாலைப் பாடியாடி நாடிவரும் காவடி
கண்கொள்ளாக் காட்சிதரும் கந்தவேலன் காவடி
காவடியாம் காவடி காணவேண்டும் கண்கோடி

12. காவிக் கமலக் கழலுடன் சேர்த்தெனைக் காத்தருளாய்
தூவிக் குலமயில் வாகன னேதுணை யேதுமின்றித்
தாவிப் படரக் கொழுகொம் பிலாத தனிக்கொடிபோல்
பாவித் தனிமனந் தள்ளாடி வாடிப் பதைக்கின்றதே

13. பாதி மதிநதி போது மணிசடை
நாத ரருளிய குமரேசா

பாகு கனிமொழி மாது குறமகள்
பாதம் வருடிய மணவாளா

காது மொருவிழி காகமுற அருள்
மாய னரிதிரு மருகோனே

கால னெனையணு காம லுனதிரு
காலில் வழிபட அருள்வாயே

ஆதி அயனொடு தேவர் சுரருல
காளும் வகையுறு சிறைமீளா

ஆடு மயிலினி லேறி யமரர்கள்
சூழ வலம்வரு மிளையோனே

சூத மிகவளர் சோலை மருவுசு
வாமி மலைதனி லுறைவோனே

சூரனுடலற வாரி சுவறிட
வேலை விடவல பெருமாளே.

14. பாழ் வாழ்வு எனும் இப்படு மாயையிலே
வீழ்வாய் என என்னை விதித்தனையே
தாழ்வானவை செய்தன தாம் உளவோ
வாழ்வாய் இனி நீ மயில் வாகனனே

15. கெடுவாய் மனனே கதிகேள் கரவா
திடுவாய் வடிவேல் இறைதாள் நினைவாய்
சுடுவாய் நெடுவே தனைதூள் படவே
விடுவாய் விடுவாய் வினையா வையுமே.

16. அன்பருக்கு அன்பனே நீ ஹரஹர முருகா
ஆறுபடை வீடுடையாய் ஹரஹர முருகா
இன்பமய ஜோதியே நீ ஹரஹர முருகா
ஈசனுமை பாலகனே ஹரஹர முருகா

உலகநாதன் மருகனே நீ ஹரஹர முருகா
ஊழ்வினையைத் தீர்த்தருள்வாய் ஹரஹர முருகா
எட்டுகுடி வேலவா நீ ஹரஹர முருகா
ஏறுமயில் ஏறிவா நீ ஹரஹர முருகா

ஐங்கரனுக் கிளையவனே ஹரஹர முருகா
ஒய்யார வள்ளிலோலா ஹரஹர முருகா
ஓம்கார தத்துவமே ஹரஹர முருகா
ஔவைக்குப தேஸித்தவா ஹரஹர முருகா

ஹரஹர முருகா ஸ்வாமி ஹரஹர முருகா

திருத்தணிகை வேலனுக்கு ஹரஹர முருகா
திருமாலின் மருகனுக்கு ஹரஹர முருகா

திருப்போரூர் முருகனுக்கு ஹரஹர முருகா
திருப்பழனி செல்வனுக்கு ஹரஹரோஹரா

குன்றிலாடும் குமரனுக்கு ஹரஹர முருகா
குறவள்ளிக் காந்தனுக்கு ஹரஹர முருகா