அடியாரை தரிசிக்க விடாமல் துரத்தினேனா... மன்னித்து ஏற்றுக்கொள் - நம: சிவாய
ஆண்டவனை தரிசிக்க காசு கேட்டேனா... மன்னித்து ஏற்றுக்கொள் - நம: சிவாய
இனிதாகப் பேசாமல் எரிஞ்சு விழுந்தேனா... மன்னித்து ஏற்றுக்கொள் - நம: சிவாய
ஈட்டுவதற்காக உன்னை விட்டு தூரம் சென்றேனா... மன்னித்து ஏற்றுக்கொள் - நம: சிவாய
உன்னையே கதியென்று இருக்காமல் பொருள் தேடினேனா... மன்னித்து ஏற்றுக்கொள் - நம: சிவாய
ஊரறிய உன் புகழைப் பேசாமல் இருந்தேனா... மன்னித்து ஏற்றுக்கொள் - நம: சிவாய
எவரெவர் பேச்சையோ கேட்டு உனக்குக் குறை வைத்தேனா... மன்னித்து ஏற்றுக்கொள் - நம: சிவாய
ஏய்த்துப் பிழைப்பதை மந்திரத்திலும்... முறைகளிலும் வைத்தேனா... மன்னித்து ஏற்றுக்கொள் - நம: சிவாய
ஐக்ய பாவத்தை மறந்து உன்னை அன்னியமாய் வைத்து பூஜித்தேனா... மன்னித்து ஏற்றுக்கொள் - நம: சிவாய
ஒன்றிய மனதோடு பூஜிக்காமல் கடமைக்கு பூஜித்தேனா.. மன்னித்து ஏற்றுக்கொள் - நம: சிவாய
ஓய்ந்திருக்கும் வேளையிலும் உன் பெயரை மறந்தேனா.. மன்னித்து ஏற்றுக்கொள் - நம: சிவாய
ஔஷதம் நீயிருக்க எங்கெங்கோ அலைந்தேனா... மன்னித்து ஏற்றுக்கொள் - நம: சிவாய
ஆசாரம் குறைந்தேனே... ஆகமம் பயிலேனே.... ஆகமத்தை விற்றேனே
ஓதாமல் இருந்தேனே... பெற்றோரை அதட்டினேனே... பெரியோரைப் பெயரிட்டு அழைத்தேனே
பாக்குப் போட்ட வாயால் பஜனை செய்தேனே... அதிகாரமாய் இருந்தேனே...
பவ்யத்தை மறந்து பகட்டாய் இருந்தேனே... உன்னை அறியாமல் இளமையைக் கழித்தேனே
அத்தியாவசியத்தை மறந்து ஆடம்பரத்தைத் தேடினேனே...
சத்தியத்தை மறந்தேனே... சந்தியில் நின்றேனே...
திக்கற்றவருக்குத் தெய்வம் துணை என்றுணர்ந்தேனே...
மன்னித்து ஏற்றுக் கொள் நம: சிவாய
அம்மையே அப்பனிடம் பரிந்து பேசு...
ஐங்கரா அகங்காரத்தைக் கெடு...
குஹா குருவாய் என் இருளகற்று...
நந்திகேஶ்வரா தயை கூர்... தடையகற்று...
நாதனே... நாயேன் என்னை மீண்டும் நல்லவனாக்கி நின் தொண்டில் கொள்
நம: சிவாய... நம: சிவாய... நம: சிவாய
